RF səfiri 2012-ci ilin yekunları barədə

2012-ci ilin yekunları üzrə Azərbaycanla Rusiya arasında rekord əldə olunması gözlənilir – 3 mlrd. dollar. Bu barədə Rusiyanın Bakıdakı səfiri Vladimir Doroxin ikitərəfli münasibətlərin işıqlandırılmasında fərqlənən jurnalistlərin RF səfirliyinin fəxri diplomları ilə  mükafatlandırılmasına  həsr olunmuş ənənəvi görüşdə bildirib. 

V.Doroxinin fikrincə, başa çatmaqda olan il ikitərəfli münasibətlərin fəal inkişafı, o cümlədən RF-nin ayrı-ayrı regionlarının rəhbərlərinin Azərbaycana səfərləri  ilə xarakterizə olunub.

Səfir münasibətlərin möhkəmləndirilməsində KİV-in rolunu xüsusilə qeyd edib və Azərbaycan mətbuatının bu məsələyə, həmçinin Rusiyadakı hadisələrə diqqətinin artmasından razılığını bildirib.

Səfir qeyd edib ki, KİV-in yazdıqları ilə hər zaman razılaşmır. “Bəzən mətbuatı oxuyarkən yazılanlar adama toxunur, ancaq biz mətbuat azadlığı prinsipini başa düşərək buna sakit yanaşırıq. Əsas odur ki, jurnalistlər faktlara hörmətlə yanaşsınlar”, - o qeyd edib.

Bu il səfirliyin bütün diplomları “Mir” teleşirkətinin yaradılmasının 20 illiyi münasibətilə bu qurumun əməkdaşlarına təqdim olunub.-06D—