Moskva/10.05.19/Turan: 2019-cu il mayın 12-də Azərbaycan, Ermənistan və Dağlıq Qarabağ nümayəndələri arasında imzalanmış atəşkəs haqqında sazişin qüvvəyə minməsindən 25 il ötür. Razılaşma Rusiya Federasiyasının birbaşa vasitəçiliyi ilə əldə olunmuşdu. Bu, kütləvi qan tökülməsinin qarşısının alınmasına və Dağlıq Qarabağ münaqişəsinin siyasi-diplomatik vasitələrlə nizamlanması prosesinin işə salınmasına imkan verdi. Bu barədə RF XİN-in mayın 12-də dərc edilmiş şərhində deyilir.
"12 may sazişi atəşkəs rejiminin indiyədək saxlanması üçün əsas olaraq qalır. Nizamlanma prosesi çətindir. Enmələr və qalxmalar baş verir. Nizamlanmanın əsas aspektləri üzrə razılığa gəlmək üçün vaxt və iştirakçılara siyasi iradə lazımdır. Biz tərəflərin dayanıqlı sülhün əldə olunmasına yönələn birgə işi davam etdirməyə hazır olduqlarını görürük. Ermənistan və Azərbaycan liderlərinin bu yaxınlardakı Vyana görüşünün yekunları, onların Moskva danışıqları bundan xəbər verir.
Biz də öz tərəfimizdən kompromis axtarışında Bakı və Yerevana fəal yardım göstərməyə davam edəcəyik. Əvvəllər olduğu kimi, ABŞ və Fransa ilə birlikdə ATƏT-in Minsk Qrupunda həmsədrlik çərçivəsində ardıcıl vasitəçilik səylərini davam etdirəcəyik", - şərhdə deyilir. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz