Moskva/13.12.18/Turan: Rusiyanın xarici işlər naziri Sergey Lavrov dekabrın 13-14-də Bakıda olacaq. O, Qara dəniz İqtisadi Əməkdaşlıq Təşkilatına üzv dövlətlərin Xarici İşlər Nazirləri Şurasının toplantısının keçirilməsilə əlaqədar gəlir. Bu barədə RF XİN mətbuat xidmətinin məlumatında deyilir.
Rusiyalı nazir Azərbaycan prezidenti İlham Əliyev, XİN rəhbəri Elmar Məmmədyarov ilə görüşəcək.
Tərəflər qarşılıqlı fəaliyyətin əsas aspektlərini, regional və beynəlxalq gündəmi müzakirə edəcəklər, məlumatda bildirilir.
"Rusiya və Azərbaycan strateji tərəfdaşlıq münasibətlərini hüquq bərabərliyi, mehriban qonşuluq və qarşılıqlı hörmət prinsipləri üzərində qurur. Ticarət-iqtisadi və regionlararası əməkdaşlıq fəal inkişaf edir. Humanitar sahə Rusiya-Azərbaycan əməkdaşlığının mühüm tərkib hissəsi olaraq qalır.
Rusiya ATƏT-in Minsk Qrupunun digər həmsədrləri ilə birlikdə Dağlıq Qarabağ münaqişəsinin dinc yolla nizamlanması məqsədilə fəal iş aparır.
Qarşıdakı görüşlər ölkələrimizin maraqları çərçivəsində Rusiya-Azərbaycan konstruktiv siyasi dialoqunun inkişafı xəttinin davamıdır", - məlumatda qeyd olunub. -02D-
Siyasət
-
Yanvarın 28-də Rusiyanın Azərbaycandakı səfiri Mixail Yevdokimov Xarici İşlər Nazirliyinə dəvət olunub.
-
İkinci Qarabağ Müharibəsindən sonra Azərbaycanın irəli sürdüyü nəqliyyat layihəsi - Zəngəzur dəhlizi beynəlxalq gündəliyə salınıb. Bu barədə prezident İlham əliyev çərşənbə axşamı nəqliyyat üzrə müşavirədə bildirib.
-
Yanvarın 28-də Bakı Ağır Cinayətlər Məhkəməsində fəal Möhyəddin Orucovun işi üzrə növbəti iclas keçirilib. Fəalın saxlanılmasında iştirak etmiş polis şahid qismində çıxış edib.
-
Yanvarın 27-də Strasburqda Avropa Şurası Parlament Assambleyasının qış sessiyasında 2024-cü ildə üzv dövlətlərin vəziyyətilə bağlı müzakirələr aparılıb. Yekunlara əsasən, 2580 saylı qətnamə qəbul edilib. Qətmanədə deyilir ki, Avropa Şurası Parlament Assambleyası 14 ölkədə vəziyyəti izləyən Monitorinq Komitəsinin işini yüksək qiymətləndirir.
Rəy yaz