Bakı/13.12.18/Turan: Son günlər Dağlıq Qarabağda ciddi gərginlik yaranıb. Bu, Qarabağ qüvvələri komandanı Levon Mnatsakanyanın istefa verməsilə əlaqədardır. O, Azərbaycan tərəfdən açılan atəş barədə gündəlik məlumatları ötürməmək və qarşı tərəfin atəşinə cavab verməmək barədə Yerevandan əmr aldıqdan sonra bu addımı atmalı olub. Bu barədə sosial şəbəkələrdə erməni istifadəçilər bildirirlər.
Sonradan Ermənistan KİV təsdiqləyib ki, L.Mnatsakanyanın istefası barədə fərman verilib, ancaq imzalanmayıb. Qarabağdakı rəsmi şəxslər məlumatı nə təsdiq edirlər, nə də təkzib.
Qeyri-rəsmi məlumatlara görə, L.Mnatsakanyanın çıxarılması tələbi Yerevandan gəlib, ancaq Bako Saakyan bu ideyanı dəstəkləməyib.
Bununla belə, Qarabağ "Təhlükəsizlik Şurası"nın rəhbəri Vitali Balasanyanın və Yerevanın L.Mnatsakanyanla bağlı qərarından narazı qalan bəzi hərbçilərin istefası barədə məlumatlar yayılıb.
Həmçinin Yerevanda həbs olunmuş Robert Köçəryanın azad edilməsi tələbilə Qarabağda etiraz mitinqlərinin keçirilməsi barədə xəbərlər yayılıb.
L.Mnatsakanyan isə səhhətilə əlaqədar işdən çıxmaq barədə ərizə yazması haqda məlumatı inkar edib. "Mən heç bir ərizə yazmamışam", - o jurnalistlərə bildirib.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz