Reportyorların Azadlıq və Təhlükəsizlik İnstitutu (RATİ) Azərbaycan Prezident Administrasiyasının rəbhəri Ramiz Mehdiyevin vətəndaş cəmiyyətinin ifadə və birləşmə azadlığını təhlükə altına alan çıxışını kəskin şəkildə pisləyir və bunu Azərbaycanın tərəfdar çıxdığı konvensiyalara və beynəlxalq insan haqları standartlarına zidd hesab edir.
Xatırladaq ki, Mehdiyev AzərTAc-a müsahibəsində xarici QHT-ləri Azərbaycanın daxili işlərinə müdaxilədə və müxalifəti maliyyələşdirməkdə ittiham edib. Mehdiyev həmçinin xarici donorlarla əməkdaşlıq edən bir sıra yerli QHT-lərin fəaliyyətini tənqidə məruz qoyub.
RATİ hesab edir ki, müstəqil QHT-ləri xaricilərlə əlbir olaraq Azərbaycanda sabitliyi pozmağa cəhd etdiyini iddia etməklə, Mehdiyev əslində QHT-lərə qarşı daha geniş repressiya üçün bir bəhanə ortaya atır.
Mehdiyevin bu çıxışı QHT haqqında qanuna edilən QHT-lərin maliyyə mənbələrini məhdudlaşdıran və onların fəaliyyətinə nəzarəti gücləndirən dəyişikliklərin prezident tərəfindən imzalanmasından cəmi bir neçə gün sonraya təsadüf edir.
“Həm imzalanmış anti-QHT qanun, həm də rəsmilərin çıxışları Azərbaycanda insan haqları və siyasi azadlıqlar üçün təhlükəli mahiyyət daşıyır. Beynəlxalq hüquqi sənədlərə əməl etməkdənsə, Azərbaycan hökuməti QHT-lərə qarşı təzyiq mexanizmləri tətbiq edən Rusiyanın yolunu davam etdirir”,- deyə RATİ sədri Emin Hüseynov bildirib.
RATİ beynəlxalq təşkilatları, xüsusilə də Avropa Şurası və ATƏT-i Azərbaycana qarşı daha sərt mövqe ortaya qoymağa, Azərbaycan hökumətindən insan hüquqları ilə bağlı üzərinə götürdüyü öhdəliklərə əməl etməyi tələb etməyə çağırır.
RATİ Azərbaycan hökumətini hüquq müdafiəçilərinin sərbəst və qorxu hissi olmadan fəaliyyət göstərməsini təmin etməyə, onları cəmiyyət içində nüfuzdan salmamağa, vətəndaş cəmiyyətinin ictimai iştirakçılığının artırılmasına və hökumətin fəaliyyətindəki qüsurların qanuni tənqidinə şərait yaratmaqla insan haqları və azadlıqlarının qorunması prinsipinə sadiqliyini nümayiş etdirməyə çağırır. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz