![Açiq mənbələrdən foto.](https://turan.az/resized/media/2022/main/121900055677-750-500-resize.webp)
Açiq mənbələrdən foto.
Ruben Vardanyan Qarabağlıları məşhur terrorçudan nümunə götürməyə çağırır
Bakı/19.12.22/Turan: Özünü Qarabağ "hökumətinin başçısı" adlandıran Rusiyalı biznesmen Ruben Vardanyan həmyerlilərini məşhur terrorçu Monte Melkonyandan nümunə götürməyə çağırıb.
Vardanyan bu gün Twitter-dəki hesabında Melkonyanın əks olunduğu 1992-ci ilin dekabrına aid videogörüntüləri dərc edib. O, bu videogörüntülərə aşağıdakı mətnlə şərh verib: "1992, Martuni, Arsax, Dağlıq Qarabağ, Monte böhrandan yayınmaq üçün yanacağın ədalətli paylaşdırılmasını təmin edir. Böhranın idarə edilməsi Arsaxda həyatın bir hissəsidir. Biz Azərbaycan ucbatından mühasirədə olsaq da, burada insanlar böhranın öhdəsindən necə gələcəklərini bilmirlər".
Vardanyanın məşhur terrorçunun şəxsiyyətinə üz tutması faktı özü onun siyasi qərəzlərini ən yaxşı şəkildə əks etdirir.
* Monte Melkonyan ASALA terror təşkilatının liderlərindən biridir. O, 1993-cü ilin iyununda Ağdam rayonunun Mərzili kəndində Azərbaycan SQ-nin 708-ci briqadasının döyüşçüləri tərəfindən məhv edilib.
80-ci illərin ortalarında Melkonyan Parisin Orli aeroportunda terror aktı təşkil edib, burada 10-dan çox insan yaralanıb.
Buna qədər Melkonyan Avropanın müxtəlif şəhərlərində bir neçə türk diplomatı şəxsən güllələyib.
1990-cı ildə o, Ermənistan prezidenti Levon Ter-Petrosyanın xahişi ilə Fransa hakimiyyəti tərəfindən Ermənistana təhvil verilib və tezliklə Qarabağa gəlib, burada Azərbaycana qarşı silahlı mübarizəyə başlayıb. 02B
Siyasət
-
Rusiya Prezidenti Vladimir Putin bazar günü Bakıya iki günlük dövlət səfərinə gəlib. Səfərin məqsədi ikitərəfli əlaqələrin möhkəmləndirilməsi və Azərbaycan Prezidenti İlham Əliyevlə regional və beynəlxalq məsələlərin müzakirəsidir.
-
Azərbaycan meşə yanğınlarının söndürülməsi üçün Türkiyəyə Be-200ES amfibiya təyyarəsi göndərəcək. Bu barədə qərar şənbə günü iki ölkə prezidentləri İlham Əliyev və Ərdoğan arasında telefon danışığı zamanı qəbul edilib.
-
Birləşmiş Ştatlar Azərbaycan və Ermənistanla hər iki ölkənin məqbul hesab edəcəyi istənilən formatda əməkdaşlıq etməyə hazırdır, - ABŞ Dövlət Departamenti ATƏT-in Minsk qrupunun gələcəyi və sülh prosesində ABŞ-ın rolu ilə bağlı sualları cavablandırarkən bildirib.
-
Avqustun 19-da Rusiya prezidenti Vladimir Putinin Bakıya səfəri başlayacaq. Azərbaycana ikigünlük dövlət səfəri zamanı iki ölkənin prezidentləri dövlətlərarası və beynəlxalq münasibətləri müzakirə edəcəklər, həmçinin ikitərəfli sənədlər imzalanacaq. Rəsmi mənbələrin səfərin gündəliyi barədə verdikləri məlumat bu qədərdir. Görünür, məlum olmayan razılaşmalar artıq əvvəlcədən əldə olunub və Bakıya bu sənədlərin imzalanmasını başa çatdırmaq qalır.
Rəy yaz