Rusiya Federasiyası və Azərbaycanın xarici işlər nazirləri Bakı ilə İrəvan arasında sülh sazişini yenidən müzakirə ediblər

Bakı/28.10.23/Turan: Oktyabrın 28-də Rusiya və Azərbaycanın xarici işlər nazirləri Sergey Lavrov və Ceyhun Bayramov arasında telefon danışığı olub.

Rusiya Xarici İşlər Nazirliyinin məlumatında deyilir ki, xarici əlaqələr idarələrinin rəhbərləri ikitərəfli münasibətlərin aktual məsələlərini, regional və beynəlxalq gündəliyi müzakirə ediblər.

“Azərbaycanla Ermənistan arasında münasibətlərin normallaşdırılması üçün səylərin artırılması zərurəti 2020-2022-ci illər üçün ən yüksək səviyyədə üçtərəfli sazişlər toplusu, o cümlədən Ermənistan-Azərbaycan sülh müqaviləsinin hazırlanması, nəqliyyat kommunikasiyalarının açılması və  sərhəddlərin delimitasiyası müzakirə edilib”, - məlumatda deyilir.

Qeyd edək ki, bu mövzu Lavrovla Bayramov arasında son dörd gündə ikinci müzakirəsidir. Lavrovla Bayramov sonuncu dəfə oktyabrın 24-də Bakı ilə İrəvan arasında sülh sazişi məsələsini müzakirə ediblər. Həmin gün bu mövzunu Bayramov Bakıda Rusiya Xarici İşlər Nazirliyinin Cənubi Qafqaz üzrə xüsusi nümayəndəsi İqor Xovayevlə müzakirə edib. -0-