Açiq mənbələrdən foto.
Bakı/29.07.20/Turan: İyulun 28-də Rusiya hakimiyyəti bir sıra xarici ölkələrdə “Muxtar” ləqəbi ilə qanunsuz silahlı birləşmələrdə iştirak etməkdə ittiham olunan Azərbaycan vətəndaşı Mehdi Əflatun oğlu Şükürovu Azərbaycana ekstradisiya edib. Bu barədə çərşənbə günü Azərbaycan Dövlət Təhlükəsizliyi Xidmətinin məlumatında deyilir.
M.Şükürova qarşı CM-in 12.3,214-3.1-ci (terrorçuluq məqsədi ilə Azərbaycan Respublikasından kənarda təlim keçmə) və 12.1,279.1-ci (Azərbaycan Respublikasından kənarda qanunvericilikdə nəzərdə tutulmayan silahlı birləşmələrin fəaliyyətində iştirak etmə) maddələri ilə ittiham irəli sürülüb.
Bundan öncə onun barəsində beynəlxalq axtarış elan edilib. Rusiya ərazisinə keçdikdən sonra saxlanılıb və qarşılıqlı hüquqi yardım haqqında müqaviləyə əsasən Azərbaycana verilib. Cinayət işi üzrə araşdırma davam edir.-02D-
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz