Bakılılar Yasamaldakı sonuncu gölün xilas olunmasını tələb edirlər

Bakı/29.07.20/Turan: SSRİ illərində Bakının dağlıq rayonu Yasamalda əvvəlki daş karxanalarının yerində yaranmış dörd yeraltı göl vardı. Su hövzələrini abadlaşdırmaq, yaxşı limanlar salmaq olardı və gözəl bir rayon əldə etmək mümkün idi. Ancaq doxsanıncı illərdə iki gölü qurutdular ki, onların  yerində yaşayış evləri inşa etsinlər.

2001-ci ildə ən iri göl olan Qanlıgöl ilə Bakı Şəhər İcra Hakimiyyətinin başçısı o zamankı Hacıbala Abutalıbov özü məşğul oldu. O, böyük avtomobil bazarının tikintisi üçün isti aylarda şəhərə sərinlik verən gölü məhv etdi. Tbilisidə şəhərin yuxarısında dağlarda yerləşən Tısbağa gölündən şəhər əhalisi üçün çimərlik kimi istifadə olunur. Bizdə isə göllərdən  istirahət zonası yaratmaq əvəzinə onları “dağıtdılar”…

Bu ilin iyulundan Bakı biznesi sonuncu Yasamal gölünün, daha doğrusu Həsən bəy Zərdabi və Akim Abbasov küçələrinin kəsişməsindəki “Üç tac” yaşayış məhəlləsinin girəcəyindəki kiçik gölün mənimşənilməsinə başlayıb. İyulun əvvəlində su hövzəsinin torpaqla doldurulmasına başlanılıb. Yerli sakinlərin sözlərinə görə, gölün məhv edilməsi ilə yaxınlıqda yerləşən və bu ərazinin məxsus olduğu Lake Otel gölünün sahibi məşğul olur.

“Üç tac”ın sakinləri baş verənlər barədə Prezident Administrasiyasına, digər dövlət orqanlarına və mətbuata məlumat veriblər. Göl problemi ilə Azərbaycan Ekologiya Cəmiyyəti sədrinin müavini Milena Nəbiyeva məşğul olub. O, Turan-a müsahibəsində deyib ki, bu hadisələrdən bir ay öncə sakinlərin xahişilə gölün sahilini və dibini məişət tullantılarından təmizləyiblər. M.Nəbiyeva gölün insanların istirahət yeri kimi, çimməsi üçün istifadəsi məqsədilə təhlükəliliyinin müəyyən edilməsi üçün suyun keyfiyyətinin laboratoriya ekspertizasını keçirməyi planlaşdırırdı.

Lakin iyulda gölü özünün bəyan edilməmiş ehtiyacları üçün onu qurutmaq niyyətində olan iş adamından xilas etməkdən ötrü bu işi dayandırmalı olub. Həmin vaxta qədər su hövzəsinin təxminən üçdə biri yük maşınları tərəfindən gətirilmiş qruntla örtülmüşdü.

“Orada heç bir quraqlıq olmamalıdır”, - M.Nəbiyeva bu tələblə Ekologiya və Təbii Sərvətlər Nazirliyində və Yasamal Rayon İcra Hakimiyyətində məmurlarla görüşüb.

“Görüşümüz zamanı biz birgə fikrə gəldik ki, gölü istənilən yolla saxlamaq lazımdır. Oraya bu sahədə mütəxəssislər cəlb olunacaq, təhlil üçün su və qruntdan nümunələr götürüləcək. Rayon rəhbəri E. Həsənov dedi ki, bu gözəl guşənin qorunub saxlanması üçün səylərini əsirgəməyəcək. Bu gölün qurudulmasından söhbət belə gedə bilməz”, - rayon rəhbəri vəd edib.

Elşad Həsənov bu gölü əhatə edən evlərin sakinləri ilə görüşüb, onların tələblərini dinləyib və tezliklə hər şeyi həll edəcəyinə söz verib, - M.Nəbiyeva Turan-a bildirib.

Yasamal Rayon İcra Hakimiyyətinin başçısı Elşad Həsənovla M.Nəbiyevanın söhbətinin nəticələri ilə bağlı məlumatı Turan-a icra başçısının baş köməkçisi Habil Suleymanzadə verib. O, gölün saxlanılacağını və istirahət yeri kimi sakinlərin ixtiyarına veriləcəyini deyib.

Köməkçi redaksiyaya bəyanatın mətnini göndərib ki, sənəddən məlum olur ki, gölün qurudulması üzrə işlər İH-nin tapşırığını yerinə yetirmək üçün aparılıb. Belə ki, İH mülkiyyətçidən ərazinin zibildən təmizlənməsini tələb edib. Lakin rayon rəhbərinin Facebook-da yerləşdirdiyi bəyanatda deyilir ki, ərazi sahibi gölün ekoloji balansını pozub.

“Bununla əlaqədar İH orqanları mülkiyyətçiyə ciddi xəbərdarlıq ediblər və ona öz hesabına ərazini əvvəlki vəziyyətə gətirməyi tapşırıblar. Hazırda “Üç tac” yaşayış kompleksinin yaxınlığındakı gölün ətrafında ərazinin təmizlənməsi və ilkin vəziyyətə gətirilməsi işləri aparılır. İşlərə nəzarət edilir. Qısa müddətdə başa çatdırılacaq”,- İH başçısının səhifəsində yerləşdirilən məlumatda bildirilir.

E. Həsənov açıqlama verib ki,  onun cəlb etdiyi inşaatçılar gölü və ətraf məkanı əvvəlki vəziyyətinə qaytarırlar.

“Heç bir təmizləmə aparılmayıb. Əksinə, Bakıdakı yeganə gölü doldurdular. Deyirlər ki, sahibləri ailəyə yaxın olan yüksək vəzifəli adamlardır”, - bakılı Eka Qarayeva saytların birində bu göl haqda dərc edilmiş yazıya şərh yazıb.