Photo TURAN.
Bakı/04.03.22/Turan: Bu gün bir qrup Azərbaycanlı hüquq müdafiəçisi Rusiyanın Bakıdakı səfirliyi qarşısında Ukraynaya hərbi müdaxiləyə etiraz aksiyası keçirib.
Bu zaman polis əməkdaşları "təhlükəsizlik tədbirləri" ilə əlaqədar səfirliyin binasına yaxınlaşmağa icazə verməyiblər.
Bu, etirazçıların qəzəbinə səbəb olub və onlar səfirliyin yaxınlığında bəyanatlarını oxuyublar.
Bəyanatda Rusiya işğalının dərhal dayandırılması, Rusiya qoşunlarının Ukraynadan tamamilə çıxarılması və qonşularla münasibətlərin danışıqlar masası arxasında həll edilməsi tələbi yer alır.
Bundan sonra etirazçılar "İşğala son!" şüarı səsləndiriblər və bəyanatı polis əməkdaşlarına təqdim ediblər, polislər sənədi səfirliyə verməyi vəd edib.
Aksiya "Müdafiə Xətti" tərəfindən təşkil edilib. Tədbirdə bu QHT-nin sədri Rüfət Səfərov, təşkilat üzvləri Zaur Əkbər, Zəfər Əhmədov, Əlaif Həsənov, ictimai fəal Bəxtiyar Hacıyev və başqaları iştirak ediblər. -16D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz