Rusiya və Azərbaycan nümayəndələrinin iştirakı ilə İran Hərbi Dəniz Qüvvələrinin təlimləri

İran Hərbi Dəniz Qüvvələri və Xəzər dənizində fəaliyyət göstərən bütün dəniz təşkilatları tərəfindən ilk dəfə olaraq Xəzər dənizində hibrid axtarış, xilasetmə və təhlükəsizlik təlimi həyata keçirilib. Bu barədə İRNA agentliyi məlumat yayıb.

İran Hərbi Dəniz Qüvvələrinin nümayəndəsi Abbas Həsəni bildirib ki, təlimdə İran və Rusiya gəmiləri iştirak ediblər.

Onun sözlərinə görə, təlimə sahilyanı dövlətlərin, o cümlədən Azərbaycan və Rusiyanın nümayəndələri nəzarət edirlər.

Təlim İran Hərbi Dəniz Qüvvələri  və digər Xəzəryanı ölkələr arasında qarşılıqlı əlaqənin təşviqinə yönəlib.

4 günlük təlimə taktiki mərhələ ilə yanaşı sahil fazası da daxildir.

Ssenariyə əsasən, alovlanan gəminin xəbərini aldıqdan sonra  İran Hərbi Dəniz Qüvvələrinin vertolyotları axtarış tədbirlərinə başlayır  və “Separ” reaktiv raket daşıyan gəmi yanğının söndürülməsinə göndərilir.