Açiq mənbələrdən foto.
Rusiya Xarici İşlər Nazirliyi Ermənistan-Azərbaycan sərhədinin delimitasiyasına başlamağa çağırır
Bakı/18.05.21/Turan: Rusiya Ermənistan-Azərbaycan sərhədinin delimitasiyası prosesinə başlamağı təklif edir. Bu barədə Rusiya Xarici İşlər Nazirliyinin İnformasiya Departamentinin 18 may tarixli şərhində deyilir.
“Azərbaycan və Ermənistan arasında sərhəddəki insidentlə bağlı vəziyyəti diqqətlə izləməyə davam edirik.
Rusiya tərəfi ən yüksək və yüksək səviyyələrdə müntəzəm əlaqələr çərçivəsində Bakıya və Yerevana gərginliyi azaltmaqda kömək edir. Ölkələrimizin hərbi və sarhəd xidmətləri xətti ilə operativ əlaqələr saxlanılır.
Atəşkəs rejiminə ciddi şəkildə riayət olunması, habelə Azərbaycan, Ermənistan və Rusiya liderlərinin 9 noyabr 2020-ci il və 11 yanvar 2021-ci il tarixli bəyanatlarının digər müddəalarının yerinə yetirilməsi zərurətini təsdiq edirik.
Bütün bu cür insidentlərin müstəsna olaraq dinc yolla, danışıqlar yolu ilə həll edilməli olduğuna əsaslanırıq. Uzunmüddətli həlli Azərbaycan-Ermənistan sərhədinin delimitasiyası və daha sonra demarkasiyası prosesinin başlamasında görürük.
Rusiya Federasiyası bundan sonra da Cənubi Qafqazda şəraitin ardıcıl şəkildə normallaşdırılmasına hər cür yardım etməyə hazırdır. -02D-
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz