Rusiya Xarici İşlər Nazirliyi Ermənistanın “qeyri-dost addımlarına” etirazını bildirib

Rusiya Xarici işlər nazirliyi qeyri-dost addımlar arasında BCM-nin Roma Əsasnaməsinin ratifikasiyasını və ABŞ-la təlimləri sadalayıb, həmçinin İrəvanın KTMT ilə əlaqələrin zəruriliyinə dair şübhələrini qeyd edib. Eyni zamanda nazirlik  Rusiya və Ermənistanın müttəfiq olduğunu vurğulayıb.

Ermənistan səfiri Vaqarşak Arutyunyan Rusiya Xarici İşlər Nazirliyinə çağırılıb, İrəvanın “qeyri-dost” hərəkətləri fonunda ona sərt münasibət bildirilib və etiraz notası göndərilib, XİN-in mətbuat xidməti xəbər verir.

“Ermənistan rəhbərliyi son günlər bir sıra qeyri-dost addımlar atıb, o cümlədən BCM-nin Roma Əsasnaməsinin ratifikasiyası prosesinin başlanması, baş nazirin həyat yoldaşının  Kiyevə səfəri və Kiyev-faşist rejiminə humanitar yardımın ötürülməsi, bundan əlavə ABŞ-ın iştirakı ilə Ermənistan ərazisində hərbi təlimlər keçirilməsi”, - məlumatda deyilir.

Bundan əlavə, XİN Ermənistan hakimiyyəti arasında “Kollektiv Təhlükəsizlik Müqaviləsi Təşkilatı (KTMT) çərçivəsində və Rusiya ilə ikitərəfli əsasda müttəfiqlik əlaqələrinin məqsədəuyğunluğuna dair müəyyən şübhələrin” yaranmasına diqqət çəkib.

“Eyni zamanda, Moskva qəti şəkildə inanır ki, Rusiya və Ermənistan müttəfiq olaraq qalır və tərəfdaşlığın inkişafı və möhkəmləndirilməsi ilə bağlı bütün razılaşmalar ölkələrimizin xalqlarının rifahı naminə tam şəkildə həyata keçiriləcək. Bu, digər məsələlərlə yanaşı, KTMT çərçivəsində təlimlərin təşkilinə aiddir”, - Rusiya XİN-dən bildiriblər.

Rusiya  həmçinin Ermənistan Milli Assambleyasının spikeri Alen Simonyanın daha əvvəl Rusiya rəsmi nümayəndəsi Mariya Zaxarovanı “filan idarənin katibəsi” adlandıran bəyanatlarına görə səfirə etiraz notası göndərib.-0-
​