Rusiya Xarici İşlər Nazirliyi: Rusiya Azərbaycan-Ermənistan nizamlanması üzrə danışıqları qəbul etməyə hazırdır

Bakı/13.12.23/Turan: Rusiya hər zaman Azərbaycan-Ermənistan nizamlanması üzrə danışıqları qəbul etməyə hazırdır, Rusiya Xarici İşlər Nazirliyi rəhbərinin müavini Mixail Qaluzin TASS-a bildirib.

Onun sözlərinə görə, Moskvada hesab edirlər ki, Bakı və Yerevanda müvafiq təklifin aktuallığı nəzərə alınır.

"Ermənistan və Azərbaycan arasında dinc nizamlanma üzrə sülh danışıqlarının Moskva meydanında keçirilməsilə bağlı təkliflərimiz Ermənistan və Azərbaycandan olan tərəfdaşlarımız üçün açıq xarakter daşıyır. Biz çox ümid edirik ki, Yerevanda və Bakıda bunu xatırlayırlar və başa düşürlər", - nazir müavini diplomatik kanallar vasitəsilə üç ölkənin xarici işlər nazirlərinin Moskvada görüşünün hazırlanıb-hazırlanmamsı barədə sualın cavabında deyib.

Dekabrın 12-də isə Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, sülh müqaviləsinin imzalanma müddətini tərəflərin özləri müəyyənləşdirməlidir.

Bundan öncə, dekabrın 7-də Azərbaycan Prezident Administrasiyası və Ermənistan hökumətinin aparatı birgə bəyanat yayaraq bildiriblər ki, Bakı 32 erməni əsiri, Yerevan isə iki azərbaycanlı əsgəri azad edəcək.

Bəyanata əsasən, yaxın gələcəkdə Yerevan və Bakı əlavə inam tədbirlərinin həyata keçirilməsilə bağlı danışıqları davam etdirəcəklər. Onlar beynəlxalq birliyi iki ölkə arasında qarşılıqlı inamın bərqərar olmasına kömək edəcək və bütün Cənubi Qafqaz regionuna müsbət təsir göstərəcək səyləri dəstəkləməyə çağırırlar.- 06B-