Артак Бегларян.
Rusiyanın dövlət agentliyi Azərbaycanın suverenliyinin pozulmasına çağırış edən Qarabağ separatçısı ilə müsahibə dərc edib
Bakı/03.06.22/Turan: İyunun 3–də Rusiya dövlət agentliyi - RİA Novosti Qarabağ separatçılarının liderlərindən biri Artak Beqlaryanla müsahibə dərc edib.
Bu materialın məzmunu Azərbaycanın suverenliyinin pozulmasıdır və 2020-ci ilin noyabrında İkinci Qarabağ Müharibəsi başa çatdıqdan sonra Azərbaycan, Rusiya və Ermənistan liderlərinin üçtərəfli bəyanatlarına ziddir.
Həmin müsahibədən hissələri təqdim edirik:
"Dağlıq Qarabağ Respublikasının hakimiyyəti onun tanınması ilə bağlı Yerevanla danışıqlar aparır, lakin hələlik irəliləyiş yoxdur",- “Dağlıq Qarabağ Respublikası”nın dövlət naziri Artak Beqlaryan RİA Novosti-yə müsahibəsində bildirib.
Onun sözlərinə görə, demək olar ki, Ermənistan faktiki olaraq Dağlıq Qarabağı tanıyıb, çünki respublikalar arasında üfüqi əlaqələr saxlanılır.
Beqlaryan qeyd edib ki, DQR hakimiyyəti dünyada tanınmaq üçün səylərini davam etdirəcək, bundan sonra Ermənistanın tərkibinə daxil olmaq məsələsinə baxmaq olar”.
"Arsaxla Azərbaycanın mövqeyində ciddi ziddiyyətlər var - onlar diametral şəkildə bir-birinin əksinədir. Əsas fərq ondan ibarətdir ki, bu, Azərbaycan üçün "nüfuz, ambisiya" məsələsidir, Qarabağ sakinləri üçün isə "həyat və ölüm məsələsi, mövcudluq və tarixi ədalət məsələsidir", – o vurğulayıb.
"Biz hesab edirik ki, sülhməramlı kontingent burada müddətsiz qalmalıdır, çünki münaqişə həll olunmayıb".
"Münaqişə həll olunanda isə Dağlıq Qarabağla Rusiya arasında sülhməramlıların daha da qalması məsələsinə baxıla bilər, zərurət və vəziyyətdən aslıl olaraq onlar təhlükəsizliyin qarantı kimi qala bilərlər. Lakin hazırda Rusiya sülhməramlılarının Qarabağda olmasına ciddi ehtiyac var”.
Qeyd edək ki, çoxdandır ki, dövlət KİV-i Azərbaycan əleyhinə bu qədər açıq material dərc etmirdi.
Azərbaycan Xarici İşlər Nazirliyi hələlik materialı şərh etməyib.-02D-
-
- Maliyyə
- 3 İyun 2022 15:39
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz