Tofiq Yaqublu
Şahidlər Tofiq Yaqubluya qarşı ittihamları təkzib ediblər
Cümə günü müxalifətçi siyasətçi Tofiq Yaqublunun işi üzrə məhkəmə prosesində müdafiə tərəfinin iki şahidi dinlənilib.
Siyasətçinin xanımı Maya Yaqublu onların evində axtarış aparılması və guya orada külli miqdarda pul vəsaitinin aşkar edilməsilə bağlı ifadə verib.
Maya Yaqublu qeyd edib ki, axtarış protokolundakı məlumatlar saxtalaşdırılıb. Evdə tapılan pulun qızının toyundan qalması ilə bağlı onun adından deyilən sözlər həqiqətəuyğun deyil. O qeyd edib ki, protokolda göstərilən məbləğ onun ailəsinə aid olmayıb.
Sonra müxalifətçi fəal Kənan Basqal ifadə verib. "Zərərçəkmiş" Elşən Hüseynova Şengen vizası almaq üçün guya Zabrat qəsəbəsində Yaqubluya pul verməsilə bağlı digər müttəhim Elnur Vaqifoğlunun ifadəsilə əlaqədar Basqalın ifadəsi vacib olub.
Basgal bildirib ki, həmin gün Yaqublu ilə birlikdə Pirşağı qəsəbəsinə Demokratik Qüvvələrin Milli Şurasının ilcasına gedib.
Vaqifoğlu deyib ki, pulu günorta saat 4-ə yaxın Zabratda Yaqubluya verib. Lakin Basqalın sözlərinə görə, saat 4-də iclas başlayıb və o, şəxsən iştirakçılardan mobil telefonları yığıb, iclasdan sonra saat 7-də qaytarıb.
Eyni zamanda, bu müddətdə Yaqublunun telefonu bağlı olub və müdafiə tərəfi qeyd edib ki, mobil rabitə operatorunun anten məlumatlarına görə, Yaqublunun yerini istintaqla təsdiqlənmiş vaxtda, guya pul aldığı zaman izləmək mümkündür.
Növbəti məhkəmə iclasının vaxtı elan edilməyib.
* Xatırladaq ki, Demokratik Qüvvələrin Milli Şurasının və Müsavat Partiyasının üzvü Tofiq Yaqublu 14 dekabr 2023-cü ildə dələduzluq, saxtalaşdırma və rəsmi sənədlərin qanunsuz hazırlanması və saxta sənədlərdən istifadə ittihamı ilə həbs edilib.
Tofiq Yaqublu ittihamları uydurma adlandırıb. Siyasətçi əvvəllər də dəfələrlə cinayət və inzibati təqibə məruz qalıb. Beynəlxalq təşkilatlar onu vicdan məhbusu kimi tanıyıblar.
-
- Cəmiyyət
- 18 Oktyabr 2024 15:30
Siyasət
-
Regional fəaliyyət və dialoq xarici qüvvələrin regionda öz təhlükəli proqramlarını genişləndirməsi, o cümlədən militarizasiya, geosiyasi eskalasiya və Cənubi Qafqaz bölgəsində ayırıcı xətlərin proyeksiyasını fonunda daha da vacib hala gəlir. Bu barədə Azərbaycan Xarici İşlər Nazirliyinin rəhbəri Ceyhun Bayramov cümə günü İstanbulda Türkiyə, İran, Rusiya, Azərbaycan və Ermənistan xarici işlər nazirlərinin birgə iclasında bildirib.
-
Fəal Nicat İbrahimin saxlanıldıqdan sonra polisdə fiziki zorakılığa məruz qalması ilə bağlı fəalın xanımı və vəkilinin bəyanatı ilə əlaqədar Ombudsman Aparatından Turan agentliyinə bildiriblər ki, quruma İbrahimin müdafiəçisindən ərizə daxil olub.
-
Oktyabrın 18-də İstanbulda Türkiyə, İran, Rusiya, Azərbaycan və Ermənistan Xarici İşlər nazirlikləri rəhbərlərinin iclası açılıb.
-
Bu gün səhərə olan məlumata əsasən, 28 mindən çox iştirakçı COP29 konfransında iştirak üçün qeydiyyatdan keçib.
Rəy yaz