Ermənistan prezidenti Serj Sarkisyan bu gün İlham Əliyevin dünən Bakıda Dünya Azərbaycanlıları Qurultayında onun ünvanına səsləndirdiyi bəyanatı ilə bağlı şərh verib.
Sarkisyan İlham Əliyevin davranışını “qərarsız” adlandırıb.
“Dünya Azərbaycanlılarının 4-cü Qurultayında çıxışı zamanı o, Ermənistan haqqında ədəbsiz, bir neçə gün sonra mühüm məsələləri müzakirə etməyə hazırlaşdığı prezident haqqında təhqiramiz ifadələr işlədib. Ümid edirəm ki, bu, müvəqqəti hal, “uşaqlıqdır” və keçəcək, çünki bizim qarşımızda ciddi iş durur. Və ümid edirəm ki, Vyana danışıqlarını pozmaq cəhdləri şüurlu davranış deyil”, deyə Sarkisyan bildirib.
Bu bəyanatdan belə çıxır ki, iki prezidentin görüşü hazırlanır və Sarkisyan bu görüşə hazırlaşır.
Bir qədər əvvəl Ermənistan XİN İlham Əliyevin bəyanatlarını münqaişənin nizamlanması üzrə danışıqlar prosesini pozmaq cəhdi kimi qiymətləndirib.
Xatırladaq ki, İlham Əliyev qurultaydakı çıxışında bildirib ki, Sarkisyan aprelin əvvəllərində Qarabağda döyüş əməliyyatları haqqında danışarkən dörd dəfə yalan danışıb. Yalan ermənilərin itirdiyi ərazilərin ölçüsünə, döyüş əməliyyatlarına ilk kimin başlamasına, tərəflərin itkilərinin nə qədər olması və s. ilə bağlıdır. -02D-
Siyasət
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
-
Fevralın 6-da Vaşinqtonda Ermənistanın baş naziri Nikol Paşinyan ABŞ-ın vitse-prezidenti Ceyms Vensla görüşüb.
-
Dövlət başçısının 7 fevral tarixli sərəncamı ilə Anar Əliyev əmək və əhalinin sosial müdafiəsi naziri təyin edilib. Bundan əvvəl nazir müavini olub.
-
Azərbaycanın “Azel” TV saytının rəhbəri, Bakının sorğusu əsasında Gürcüstanda həbs edilmiş Əfqan Sadıqov fevralın 2-də başladığı quru alcığı fevralın 6-da dayandırıb. Lakin əvvəlkitək yeməkdən imtina edir və ancaq su içir. Onun aclığı 142 gündür ki, davam edir, fevralın 7-də xanımı Sevinc Sadıqova Turan agentliyinə bildirib.
Rəy yaz