Sazişin dayandırılmasına baxmayaraq, Almaniya Şengen vizalarını qəbul edir
Almaniyanın Şengen sazişini müvəqqəti dayandırması bu sazişə daxil olan ölkələrin hər-hansı birindən Şengen vizası almış şəxslərə şamil edilmir, bu barədə Turan-a AFR-in Azərbaycandakı səfirliyinin mətbuat xidmətinin əməkdaşı Elvin Axundov bildirib.
“Şengen vizaları etibarlı olaraq qalır, belə vizası olan istənilən vətəndaş Almaniya sərhədini adi rejimdə keçə bilər”, deyə o qeyd edib.
Ölkəyə daxil olanların nəzarəti üzrə əsas səylər Avstriya ilə sərhəddə cəmləşəcək, AFR-ə qeyri-leqal miqrantların əsas axını buradan gəlir. Almaniya sərhədinin digər hissələrində, xüsusən, Belçika və Lüksemburq sərhədlərində də sənədlər adi şəkildə yoxlayılır, deyə Euronews məlumat verib.
Almaniya hökuməti başqa ölkələrin Yaxın Şərqdən qaçqınlar axınını Almaniyaya yönləndirməsi ilə əlaqədar təcili tədbirlər görmək məcburiyyətində qalıb.
Son 2,5 ay ərzində ölkəyə əsasən Suriyadan 300 minə yaxın qaçqın gəlib. Ötən il ərzində Almaniyaya 200 min qaçqın gəlib. Bu il 800 min qaçqının qəbul edilməsi gözlənilir, deyə AFR vitse-kansleri Ziqmar Qabriel bildirib. Onun sözlərinə görə, Almaniya ildə 500 minə qədər qaçqın qəbul etmək iqtidarındadır. -0-
-
- Siyasət
- 14 Sentyabr 2015 19:31
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz