S.Cəlaloğlu: Bu rəqəmlər dünyaya mesajdır
Bakı/12.04.18/Turan: "Bu səsvermədə bir faktiki, bir də formal tərəf var". Demokrat partiyasının sədri, prezidentliyə keçmiş namizəd Sərdar Cəlaloğlu aprelin 11-də Azərbaycanda prezident seçkilərilə bağlı keçirilmiş səsvermənin nəticələrini belə dəyərləndirib.
S.Cəlaloğluna görə, səsvermənin faktiki tərəfi budur ki, İlham Əliyev qalib gəlib: "Onun qalib gəlməsi, faktdır, mən bunu mübahisələndirmək fikrində deyiləm", deyə ADP sədri məsələnin faktiki tərəfinə münasibət ifadə edib.
Haqqında bəhs edilən məsələnin formal tərəfinə münasibət ifadə edən S.Cəlaloğlu iddia edir ki, buradakı rəqəmlər konyuktur mahiyyət daşıyır, nəticə olmaqdan daha çox dünüyaya siyasi mesaj anlamındadır: "Prezidenliyə namizədlər hərəsi bir ideya bucağından çıxış edirdilər. Kimi Avrasiya yönlü, kimi Qərb yönlü mövqe sərgiləyirdi. Məsəl üçün mən türk konfederasiyası və Qərbçiliyi dəstəkləyən ideyadan çıxış etdim. Odur ki, mənə yazılan səsvermə sayı təkcə mənə səsverən seçisi sayı yox, həm də tərəfdarı olduğum ideyanın ölkədə nə qədər tərəfdarı olması barədə dünyaya mesajdır".
Öz topladığı səslərin həcminə gəlincə, ADP sədri elə hesab edir ki, bu gerçəyi əks etdirmir və İ.Əliyev istisna olmaqla, qalan 6 namizədin yığdığı qədər səs yığıb.
Onun sözlərinə görə, az səs yığmasının daha bir neçə səbəbi də var: "Bunun səbəblərindən biri həm hakimiyyətin, həm də müxalif qüvvələrin mənə qarşı təbliğat aparmasıdır. Daha bir səbəb narazı elektoratın seçkilərə tam şəkildə qatılmamasıdır. Digər bir səbəb isə mənə səs verəcək elektoratın səsvermədə dağınıq şəkildə iştirak etməsidir".
Xatırladaq ki, aprelin 11-də Azərbaycanda prezident seçkilərinə səsvermə keçirilib. M.Pənahovun bildirdiyinə görə, sayılan bülletenlərə əsasən, İlham Əliyev 86 faiz səs qazanıb.
Daha sonra Zahid Orucun 3.11 , Qüdrət Həsənquliyevin 3.04, Sərdar Cəlaloğlunun 3.02, Hafiz Hacıyevin 1.51, Araz Əlizadənin 1.39, Fərəc Quliyevin 1.18, Razi Nurullayevin isə 0.75 faiz səs topladığı bildirilib. -0-
Siyasət
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
Rəy yaz