"Müsavat" prezident seçkilərinin legitimliyini tanımır
Bakı/12.04.18/Turan: Aprelin 11-də Azərbaycanda növbədənkənar prezident seçkiləri azad və ədalətli olmayıb və onların nəticələri xalqın azad iradəsini ifadə etmir. Bu barədə Müsavat Partiyasının 11 aprel seçkiləri haqqında rəyində bildirilir.
Sənəddə növbədənkənar seçkilərin təyin edilməsinin qanuniliyi şübhə altına qoyulur. Onlar hər hansı siyasi zərurət olmadan, bu barədə hər hansı izahat verilmədən və heç bir izahat verilmədən təyin edilib və konstitusiyada hüquqi əsasları olmayıb. Keçirilməsinin vacib olduğu, bunu yaradan səbəblərin açıqlanmadığı, yalnız bir namizədin seçkiyə gizli hazırlaşmasına hesablanan qəfil növbədənkənar seçkilərin elan olunması cəmiyyətin seçkilərə köklənməsi, seçki islahatlarının aparılması üçün müxalifətin təkliflərinin qəbul edilməsinin, demokratik seçkiqabağı siyasi mühitin yaranmasının qarşısını almaqla, həm də fraktiki olaraq ölkə rəhbəri İlham Əliyevin 4-cü dəfə prezident olması üçün rəqabətsiz şərait yaratmağa xidmət edib.
Seçkilər sərbəst toplaşmaq, mətbuat və birləşmək azadlıqlarının məhdudlaşdırılması şəraitində keçirilib. Ölkədə siyasi məhbus problemi həll edilməyib, onların sayı 150 nəfərdən çoxdur. Ölkə telekanalları hakimiyyətin xeyrinə təbliğat aparır.
Hakimiyyət Avropa Şurası Venesiya Komissiyasının seçki qanunvericiliyində islahatlar, seçki komissiyalarının, şikayətlərə baxılması mexanizminin formalaşdırılması, müşahidənin təşkili haqqında tövsiyələrinə məhəl qoymayıb. Bütün səviyyələrdə seçki komissiyaları faktiki olaraq hakimiyyətin nəzarəti altında qalmaqdadır, deyə bəyanatda bildirilir.
Sonda seçici siyahılarındakı fərq qeyd edilir: MSK-nın məlumatına görə seçicilərin sayı 5,2 mln. nəfər, Dövlət Statistika Komitəsinin məlumatına görə isə 7,2 mln. nəfər təşkil edir. Bu, səs verənlərin faizinin süni şəkildə artırılması məqsədilə edilir, bəyanat müəllifləri belə hesab edirlər.
Təşviqat qaydaları da pozulub. Belə ki, seçkiqabağı təşviqat başlamazdan əvvəl mədəniyyət, incəsənət xadimləri, yazıçılar və şeyx Paşazadə İlham Əliyevə səs verməyə çağırıblar.
Büdcə müəssisələrinin işçiləri səs verməyə məcbur edilmək üçün seçki günü qanunsuz olaraq işə çağırılıblar. Səsvermə günü eyni şəxslərin dəfələrlə səs verməsi faktları qeydə alınıb. Qanun pozuntularını çəkməyə çalışan fəallara, blogerlərə, jurnalistlərə təzyiq göstərilib.
İlham Əliyevin beynəlxalq norma və qanunlara zidd olaraq növbədənkənar seçkilər təyin etməsi və dördüncü dəfə onun prezident vəzifəsinə namizədliyinin irəli sürülməsi əvvəlcədən seçkilərin legitimliyini şübhə altına qoyurdu.
Hətta iştirakın süni şəkildə artırılması üzrə saxtalaşdırmalara baxmayaraq, səsvermədə seçicilərin iştirakı 20%-dən aşağı olub.
Yuxarıda qeyd edilənləri nəzərə alaraq, Müsavat seçkiləri qeyri-azad, ədalətsiz və qeyri-demokratik hesab edir. Partiya bu seçkilər əsasında formalaşmış hakimiyyətin legitimliyini qəbul etmir.
Müsavat 11 aprel seçkilərinin nəticələrinin ləğvini və beynəlxalq standartlara cavab verən yeni seçkilərin təyin edilməsini tələb edir. -06D-
Siyasət
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
Rəy yaz