Seçki zamanı çoxsaylı pozuntuların olmasına baxmayaraq, Ermənistan MSK Serj Sarkisyanı qalib elan edib

Ermənistan MSK dünən keçirilən prezident seçkilərində hazırkı prezident Serj Sarkisyanın qalib gəldiyini elan edib. MSK-nın ilkin məlumatına görə, seçkilərdə 1 18 407 seçici və ya ümumi sayın 60,05%-i səs verib.

100% seçki məntəqələrindən seçki bülletenlərinin hesablanmasının yekunlarına əsasən  Sakrisyan 58,64% səs toplayıb.

Ermənistanın keçmiş XİN rəhbəri Raffi Ovannisyan 36,75 % səs toplayıb. Üçüncü yeri 2,15% səslə Qrant Baqratyan tutub. Seçki kampaniyası dövründə sui-qəsdə məruz qalan Paruyr Ayrikyan 1,23% səs toplayıb. Digər üç namizəd bir faizdən az səs toplayıb.

Bir sıra müxalifətçi namizədlər və yerli müşahidəçilər seçki zamanı çoxsaylı pozuntuların olduğunu bildirirlər. Əsasən səs verənlərin sayının şişirdilməsi, eyni adamların bir neçə dəfə səs verməsi, seçicilərin pulla ələ alınması, seçicilərə və müşahidəçilərə təzyiqlərin olduğu bildirilir. 06D--