Şənbə günü səhər Sədərəkdə polis yerli 1 nömrəli məktəbdə işləyən ədəbiyyat müəllimi Seyfulla Nəcəflini saxlayıb.
Müəllimin oğlunun verdiyi məlumata görə, Nəcəflinin saxlanılmasına səbəb Naxçıvan Muxtar Respublikası rəhbərliyinə elə həmin məktəbin iki ay əvvəl işdən qovulmuş bir qrup müəlliminin müdafiəsi üçün müraciətə imza toplaması olub.
Müəllimlərin işdən qovulmasının səbəbi onların məktəb direktorunun namizədliyi ilə razılaşmaması olub.
"Atam bu qovulmanı əsassız hesab edir və qovulanların işə bərpa edilməsi xahişi ilə müraciətə imza toplayırdı. Lakin tezliklə polis gəlib və atamı aparıb. Bizə hər-hansı məlumat verilmir və hətta onun polisdə olduğunu belə təsdiq etmirlər", deyə müəllimin Kamran adlı oğlu Turan-a bildirib.
Naxçıvan DİN-dən şərh almaq cəhdləri nəticə verməyib. -0-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz