Şənbə günü Bakının mərkəzində əsgər ölümünə etiraz olaraq keçirilən aksiya zamanı saxlananlar günün sonuna kimi buraxılıblar.
Müxalifət partiyalarından və hüquq-müdafiə təşkilatlarından verilən məlumatlara görə, Səbayel və Nəsimi rayon Polis idarələrinə 40-a yaxın adam aparılıb. Onlara xəbərdarlıq edildikdən sonra axşam buraxıblar.
Eyni zamanda 8 nəfər gənc fəaldan yanvarın 14-də Səbayel Rayon Polis İdarəsinə gəlmələri barədə iltizam alınıb. Lakin polisə çağırılmanın səbəbləri açıqlanmayıb.
Əsasən AXCP fəalları Əbülfəz Qurbanlı, Məmməd İbrahim, Təzəxan Mirələmli, Babək Həsənov, “Azad gənclik” təşkilatının rəhbəri Ülvi Həsənli, NİDA gənclər təşkilatının İdarə Heyətinin üzvü Turqut Qəmbər və başqalarından polisə gəlməklə bağlı iltizam alınıb.
AXCP-dən bildirilib ki, aksiya zamanı saxlanılan həmin partiyanın üç fəalı – Tural Həsənzadə Səxavət Mehdiyev və Vüsal Bayramovun saxlandıqları yer məlum deyil.
DİN aksiyanın qarşısının alınması ilə bağlı polisin hərəkətini tədbirin Bakı Şəhər İcra Hakimiyyəti ilə razılaşdırılmaması ilə əsaslandırıb. Polis saxlananların sayını açıqlamır. –06B--
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz