Sən demə, vətəndaşlar Hərbi Prokurorluğa təşəkkür məktubları yazır

Bakı/22.07.22/Turan: Azərbaycan vətəndaşları Hərbi Prokurorluğun işindən məmnundurlar. Hərbi prokuror Xanlar Vəliyevin bu idarənin 2022-ci ilin birinci yarısının nəticələrinə həsr olunmuş kollegiya iclasındakı çıxışından belə nəticə çıxır.

Vəliyevin iddiasına görə, "Hərbi Prokurorluq əməkdaşları vətəndaşlara nəzakətlə, müraciətlərinə isə diqqətlə yanaşıblar, işçilər, o cümlədən rəhbər vəzifəli şəxslər tərəfindən mütəmadi olaraq onların qəbulu həyata keçirilib".

Vəliyevin sözlərinə görə, Hərbi Prokurorluğun və işçilərinin fəaliyyəti ilə bağlı vətəndaşların minnətdarlığını ifadə edən məktubların sayı artıb.

Bu zaman hərbi prokuror "Tərtər işi" üzrə təkrar istintaq, bu iş üzrə həbs edilənlərin və ölənə qədər işgəncə verilən şübhəli şəxslərin ailə üzvlərinin müntəzəm etirazları mövzusuna toxunmayıb.

Qeyd edək ki, 2021-ci ilin dekabrında təkrar istintaq təyin edilməsinə baxmayaraq, araşdırmanın gedişatı "Tərtər işi"nin fiqurantlarının ailə üzvlərini qane etmir. Onlar müntəzəm olaraq etiraz aksiyaları keçirir, ittihamların saxtalaşdırılmasında və həbs olunanlara işgəncə verilməsində iştirakı olan yüksək vəzifəli hərbi generalların və Hərbi Prokurorluğun vəzifəli şəxslərinin məsuliyyətə cəlb edilməməsi ilə bağlı qəzəblərini dilə gətirirlər. 06B

Rəy yaz

Siyasət

Сможет ли Москва сорвать уход Еревана под крыло Запада? - беседа с экспертом по Центральной Азии Аркадиtv Дубновым в программе "Çətin sual"




Audio xəbər

Bizi sosial şəbəkələrdə izləyin

Xəbər lenti