![Sentyabrın 1-də Azərbaycanda növbədənkənar parlament seçkiləri keçiriləcək](https://turan.az/resized/news/2024/Vn09hmMsYZRjaspoPi8IKJbipCZB63arbPeosFqx-750-500-resize.webp)
Sentyabrın 1-də Azərbaycanda növbədənkənar parlament seçkiləri keçiriləcək
Sentyabrın 1-də Azərbaycanda növbədənkənar parlament seçkiləri keçiriləcək
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Növbədənkənar seçkilərin keçirilməsinə hakim Yeni Azərbaycan Partiyası tərəfindən təşəbbüs göstərilib. Bu, noyabrda keçiriləcək növbəti seçkilərin vaxtının Birləşmiş Millətlər Təşkilatının qlobal forumunun - COP29 iqlim konfransının Bakıda keçirilməsilə üst-üstə düşməsilə əsaslandırılıb.
1 sentyab seçkilərində 6421073 seçici iştirak edəcək.
Səsvermə 125 seçki dairəsinin ərazisində 6477 seçki məntəqəsində keçiriləcək.
Seçkilər saat 08: 00-da başlayacaq və saat 19: 00-da başa çatacaq. İlkin qeyri-rəsmi nəticələr sentyabrın 2-nə keçən gecə məlum olacaq.
Səsvermədən sonra 5 gün ərzində Mərkəsi Seçki Komissiyası seçkilərin nəticələri barədə protokolu təsdiqləyəcək və Konstitusiya Məhkəməsinin yoxlamasına təqdim edəcək. Konstitusiya Məhkəməsi 10 gün ərzində öz rəyini bildirəcək.
İlk turda ən çox səs toplayan namizəd seçkilərdə qalib sayılır.
990-a yaxın namizəd 125 mandat uğrunda mübarizə aparır. Onlardan 305-i 25 siyasi partiyanın nümayəndələridir.
Dövlət qeydiyyatından keçmiş bir partiya seçkilərdə iştirak etmir.
Bu, müxalifətyönlü Azərbaycan Xalq Cəbhəsi Partiyasıdır. Partiya "ölkədə ədalətli siyasi rəqabət üçün şəraitin olmadığını, fundamental azadlıqların məhdudlaşdırıldığını, 300-dən çox siyasi məhbusun olduğunu" bildirərək seçkiləri boykot etdiyini bəyan edib.
Eyni zamanda, seçkilərdə Müsavat, Respublika Alternativi (REAL) və digər müxalifətyönlü partiyalar iştirak edirlər.
Seçkiləri ATƏT Parlament Assambleyasının 60 deputatı və ATƏT Demokratik Təsisatlar və İnsan Hüquqları Bürosunun monitorinq missiyasının 300 üzvü müşahidə edəcək.
Eyni zamanda, Avropa Şurası Parlament Assambleyasına növbədənkənar seçkiləri müşahidə etmək üçün dəvət göndərilməyib.
Bundan öncə də Azərbaycan Avropa Şurası Parlament Assambleyası nümayəndə heyətini bu ilin fevralında keçirilmiş növbədənkənar prezident seçkilərini müşahidəyə dəvət etməyib. Avropa Şurası Parlament Assambleyasının nümayəndə heyətini dəvət etməkdən imtina Azərbaycan nümayəndə heyətinin Avropa Şurası Parlament Assambleyasında səlahiyyətinin bir il müddətinə dayandırılmasının səbəblərindən biridir.
-
- Siyasət
- 31 Avqust 2024 13:38
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
-
Beynəlxalq akademik icma azərbaycanlı gənc alim Bəhruz Səmədovun həbsindən dərin narahatlıq ifadə edir və onun dərhal azadlığa buraxılmasına çağırır.
Rəy yaz