![Paşinyan Azərbaycanla danışıqların ikitərəfli formatını effektiv hesab edir](https://turan.az/resized/news/2024/zuEejBSorQI0Tq3Iz2Uvlo3PEQdLFrVrmATiNZ6s-750-500-resize.webp)
Paşinyan Azərbaycanla danışıqların ikitərəfli formatını effektiv hesab edir
Paşinyan Azərbaycanla danışıqların ikitərəfli formatını effektiv hesab edir
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır.
"İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
Onun sözlərinə görə, ötən gün Ermənistan sülh müqaviləsilə bağlı növbəti təklifi Azərbaycana təqdim edib.
"Sülh müqaviləsinin yekun variantında 17 maddə var, onlardan 13-ü, o cümlədən ön söz razılaşdırılıb. Maddələrin formullarının əksəriyyəti razılaşdırılıb. Təklifimiz ondan ibarətdir ki, razılaşdırılmış bütün maddələr götürülsün və bunun əsasında sülh müqaviləsi imzalansın. Biz bunu zəruri hesab edirik, çünki bu maddələrdə müqavilənin bütün əsas prinsipləri razılaşdırılıb. İmzalamaq və ratifikasiya etmək, qalan məsələləri isə razılaşdırmağa davam etmək lazımdır", - Paşinyan deyib.
Zəngəzur dəhlizi məsələsinə toxunan Paşinyan qeyd edib: "Ermənistan Azərbaycan və Naxçıvan arasında əlaqə yollarını təmin etməyə hazırdır, lakin aydındır ki, bu variantlarda Ermənistanın suverenliyi sual altına alına bilməz".
Paşinyan həmçinin qeyd edib ki, Ermənistan Azərbaycanla danışıqların üçtərəfli formatından imtina etməyib və bu yaxınlarda Putinlə telefon danışığında bu barədə bildirib.
“Sadəcə, hazırda ikitərəfli formatda işləyirik. Düşünürəm ki, bu məntiqi davam etdirə bilərik, çünki bu, hazırda effektivdir", - Paşinyan qeyd edib.
Bununla yanaşı, obildirib ki, hələlik Ermənistan COP29 konfransında iştirak barədə qərar qəbul etməyib.
"Hazırda açıq şəkildə deməliyəm ki, COP29-da iştirakla bağlı qərar yoxdur və proseslər, həmçinin dəyişən vəziyyət bu qərarın nəticəsinə təsir göstərə bilər. Nəzəri olaraq, biz COP29-da iştirakla bağlı qərarın son müddəti zamanı vəziyyətə baxmalıyıq", - Paşinyan deyib.
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
-
Beynəlxalq akademik icma azərbaycanlı gənc alim Bəhruz Səmədovun həbsindən dərin narahatlıq ifadə edir və onun dərhal azadlığa buraxılmasına çağırır.
Rəy yaz