Ceyhun Bayramov and Sergei Lavrov.
Sergey Lavrov və Ceyhun Bayramov danışıqların yekunları barədə
Moskva/26.08.20/Turan: Moskvada ikitərəfli danışıqların yekunlarına əsasən RF və Azərbaycan XİN rəhbərləri Sergey Lavrov və Ceyhun Bayramov mətbuat konfransı keçiriblər.
Sergey Lavrov ikitərəfli münasibətlərin inkişafı üçün mədəni-humanitar və iqtisadi əlaqələrin vacibliyini və rus dilinə qayğıkeş münasibətin vacibliyini qeyd edib.
Regional məsələlərlə bağlı hər iki ölkənin mövqeyi üst-üstə düşür və ya çox yaxındır, ATƏT-də və digər qurumlarda əməkdaşlıq uğurla gedir.
S.Lavrov deyib ki, Ermənistan-Azərbaycan münaqişəsi və dinc nizamlanma üzrə nəticələrə nail olmaq üçün atmosfer yaradılmasının vacibliyi barədə ətraflı danışıblar.
Cavab sözündə C.Bayramov Rusiya ilə ikitərəfli münasibətləri iki ölkənin uğurlu tərəfdaşlığının nümunəsi adlandırıb. O, iqtisadi əlaqələrin vacibliyini və ölkələr arasında ticarət dövriyyəsinin 3 mlrd. dolları ötdüyünü qeyd edib.
Qarabağ münaqişəsinə toxunan C.Bayramov deyib ki, Bakı ATƏT-in Minsk Qrupunun həmsədrlərindən biri kimi Rusiyaya ayrıca ümid bəsləyir.
Ermənistan Azərbaycan ərazilərinin 20% - ni işğalda saxlayaraq dinc əhalini oradan qovmaqla beynəlxalq hüququ pozmaqda davam edir.
İyulun 12-16-da Ermənistanla sərhəddə gedən döyüşlər Azərbaycanın nəqliyyat infrastrukturunu təhlükə altına salmaq məqsədilə təxribat idi.
C.Bayramov qeyd edib ki, beynəlxalq birlik nizamlanmaya dair məzmunlu danışıqların davam etdirilməsi və BMT Təhlükəsizlik Şurasının məlum qətnamələrinin həyata keçirilməsi, Azərbaycanın ərazi bütövlüyünün bərpa edilməsi üçün Ermənistana təsir göstərməlidir.
“Nizamlanma ilə bağlı hansı addımlar atılır və gözlənilir” sualının cavabında C.Bayramov qeyd edib ki, danışıqlar “imitasiya” olmalı deyil, konkret məqsədlərə nail olmağa xidmət etməlidir.
Öz növbəsində S.Lavrov deyib ki, tərəflər danışıqlar illəri ərzində nizamlanmaya bir sıra sənədlər işləyib hazırlayıblar ki, bunlarda kompleks yanaşma təsbit edilib. “Bütün bəndlərlə bağlı razılıq yoxdur. Danışıqları aparanların tərkibini dəyişmək cəhdləri olub ki, bu da qəbuledilməzdir”, - o qeyd edib.
“BMT Təhlükəsizlik Şurasının qətnamələri də daxil olmaqla, beynəlxalq birliyin işləyib hazırladığı qərarların əldə rəhbər tutulması ilə razıyam”, - S.Lavrov deyib. -02D-
-
- İqtisadiyyat
- 26 Avqust 2020 15:20
-
- Cəmiyyət
- 26 Avqust 2020 16:11
Siyasət
-
Gürcüstanın həbsdə olan sabiq prezident Mixail Saakaşvili Gürcüstan azərbaycanlılarını oktyabrın 26-da keçiriləcək parlament seçkilərində fəal iştirak etməyə çağırıb.
-
Səfir Mark Libbi bu gün doktor Qubad İbadoğlu ilə görüşüb və onun səhhəti ilə bağlı narahatlığını bildirib.
-
Oktyabrın 25-də Avropa İttifaqının (Aİ) Azərbaycandakı səfiri Peter Mixalko Xarici İşlər Nazirliyinə çağırılıb və Avropa Parlamenti tərəfindən 24 oktyabr tarixində qəbul edilmiş qətnamə, eləcə də bu qurumda baş tutmuş müzakirələr çərçivəsində Avropa Komissarı tərəfindən səsləndirilən əsassız və qərəzli fikirlər qəti şəkildə pislənib və bununla bağlı qarşı tərəfə etiraz notası təqdim edilib. Bu barədə Azərbaycan XİN-in mətbuat xidmətinin 25 oktyabr tarixli məlumatında deyilir.
-
Şimali Koreya Rusiyaya əlavə qoşun göndərməyi planlaşdırır, bu barədə Cənubi Koreyanın kəşfiyyat idarəsi məlumat yayıb. Belə ki, Cənubi Koreyadan 10 000-ə yaxın əsgərin cəlb edilməsi çərçivəsində 1500 hərbiçidən ibarət ilk qrup artıq Rusiyanın Uzaq Şərqində təlim keçir. Bu bölmələr 8-13 oktyabr tarixlərində Vladivostoka gəliblər, bu barədə Bloomberg yazır.
Rəy yaz