![Serj Sarkisyan: Azərbaycanla danışıqların uğuru barışıqdan asılıdır](https://turan.az/resized/media/2013/main/112900059616-750-500-resize.webp)
Serj Sarkisyan: Azərbaycanla danışıqların uğuru barışıqdan asılıdır
Vilnyusda Şərq Tərəfdaşlığı sammitində Ermənistan prezidenti Serj Sarkisyan çıxış edib. Ermənistan KİV-lərinin yaydığı məlumata görə, o, Ermənistanın Avropa modellərinə uyğun şəkildə dərin və genişmiqyaslı islahatları davam etdirmək niyyətində olduğunu iddia edib.
Əsas məqsəd Avropa İttifaqı ilə digər əməkdaşlıq formatları ilə bir araya sığan mexanizmlər formalaşdırmaqdır.
“Düşünürəm ki, Avropa dəyərlərinin ardıcıl şəkildə tətbiqi Türkiyəyə öz keçmişi ilə barışmaqda kömək edə bilər. Bu gün minlərlə türk erməni soyqırımını pisləyir və bizim yanımızda dayanır”, deyə o bildirib.
“Bir neçə gün əvvəl Vyanada ATƏT-in Minsk qrupu həmsədrlərinin vasitəçiliyi ilə iki ilə yaxın davam edən fasilədən sonra Ermənistan və Azərbaycan prezidentlərinin görüşü keçirilib. Nəticələr haqqında danışmaq çox tez olsa da, görüş faktı özü müsbət haldır. Danışıqların uğurlu yekununun əslində xalqlarımızı sülhə nə dərəcədə hazırlamağımızdan, mənfi ritorikadan imtina etməyi və təmas xəttində gərginliyi zəiflətməyi nə dərəcədə bacaracağımızdan asılıdır.
Ermənistan və Dağlıq Qarabağ sabitliyi pozan bəyanatlardan və addımlardan yayınmağa çalışır və demokratiya, insan hüquqları, azad iqtisadi rəqabət, söz azadlığı əsasında dövlət quruculuğu yolu seçib, bu yolla möhkəm addımlarla irəliləyir. -02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz