![Serj Sarkisyan yaxın vaxtlarda aeroportun istismara veriləcəyini bildirir](https://turan.az/resized/750/500/resize/media/2013/main/013000026492.jpg)
Serj Sarkisyan yaxın vaxtlarda aeroportun istismara veriləcəyini bildirir
Yerevan/30.01.13/Turan-Armİnfo: Ermənistan-Azərbaycan münasibətləri ilə bağlı optimizmə səbəb yoxdur. Bu barədə Ermənistan prezidenti Serj Sarkisyan Noyemberyan rayonunda seçicilərin qarşısındakı çıxışında bildirib.
“Biz KİV-də Ermənistanın Azərbaycanın tarixi torpaqlarında yerləşməsi ilə bağlı Azərbaycan prezidenti İlham Əliyevin bəyanatlarını çox görmüşük. Və bunu 100 illik tarixi olan dövlətin lideri deyir. Belə olan halda konstruktiv dialoqun mümkünlüyündən danışmaq çətindir. Əgər danışıqlarda konstruktiv yanaşma yoxdursa, problem həll olunmayacaq”, - o vurğulayıb.
“Bəlkə zaman keçdikcə vəziyyət bir az da gərginləşəcək və ya əksinə, yaxşılaşacaq, lakin bundan artığını gözləməyə dəyməz. Əlbəttə, biz istərdik ki, yanımızda yaxşı münasibətdə olduğumuz qonşumuz olsun və bizim ordumuz itki verməsin”, - o qeyd edib.
“Yaxın vaxtlarda Stepanakert aeroportu istismara veriləcək. Bu məsələdə heç bir problem yoxdur. Bəzi beynəlxalq şirkətlər aeroportun istismarı ilə bağlı vaxtından əvvəl danışdıqlarına görə bu məsələ müzakirə predmetinə çevrilib”, - Sarkisyan bildirib.
Onun sözlərinə görə, aeroroportun işə salınması üçün zəruri olan şərait yaradılıb və demək olar ki, başa çatdırılıb. “Yaxın gələcəkdə uçuşlar başlayacaq”, - Sarkisyan qeyd edib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz