![Şərq Tərəfdaşlığı və Avropa İttifaqının birgə bəyannaməsi](https://turan.az/resized/media/2013/main/112900059586-750-500-resize.webp)
Şərq Tərəfdaşlığı və Avropa İttifaqının birgə bəyannaməsi
Bu gün Vilnyusda “Şərq Tərəfdaşlığı” ölkələri Avropa İttifaqının nümayəndələri ilə birgə bəyannamə imzalayıb.
Sammit iştirakçıları onun yekunlarını və imzalanmış sazişləri müsbət qiymətləndiriblər.
Növbəti illər üçün qarşıda duran məqsədlər və vəzifələr kimi bəyannamədə aşağıdakılar müəyyən edilib:
Demokratiyanın gücləndirilməsi, insan hüquqlarına hörmət və qanunun aliliyi istiqamətində gələcək addımlar, siyasi və iqtisadi islahatların davam etdirilməsinə dəstək və ticarət əlaqələrinin inkişaf etdirilməsi.
Bəyannamədə hər bir ölkənin əldə etdiyi nailiyyətlər və Aİ ilə imzalanmış sazişlər qeyd edilib. Gürcüstan və Moldova ilə paraflanmış Avropa İttifaqı ilə Assosiasiya Sazişi xüsusi vurğulanıb.
Sənəddə Cənub Enerji Dəhlizinin inkişafı və TAP qaz kəmərinin tikintisi və AGRİ layihəsi alqışlanır, Azərbaycanın Avropanın enerji təhlükəsizliyində strateji rolu qeyd edilib.
Bəyannamənin sonunda regionda münaqişələrin tezliklə sülh yolu ilə həllinə, sabitlik və etimad tədbirlərinin görülməsinə çağırış ifadə olunub. Tərəflər münaqişələrin beynəlxalq hüquq norma və prinsipləri əsasında sülh yolu ilə tezliklə həlli zərurətini qeyd edir, Vyanada Ermənistan və Azərbaycan prezidentlərinin görüşü və orada danışıqlar prosesinin davam etdirilməsi haqqında əldə edilmiş razılaşmalar alqışlanır. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz