![Siyasi Azadlıqları Müdafiə Alyansı Yaqublunun və Əmiraslanovun həbsini pisləyib](https://turan.az/resized/media/2012/main/091300011132-750-500-resize.webp)
Siyasi Azadlıqları Müdafiə Alyansı Yaqublunun və Əmiraslanovun həbsini pisləyib
Siyasi Azadlıqları Müdafiə Alyansı (SAMA) gənc fəal Nigar Yaqublunun həbsini və “Kür” vətəndaş cəmiyyəti qərargahının üzvü İlham Əmiraslanovun azadlıqdan məhrum edilməsini pisləyib.
Yaqublu sentyabrın 10-da insan ölümü ilə nəticələnən YNH törətmək ittihamı ilə həbs edilib, Əmiraslanov isə sentyabrın 12-də qondarma qanunsuz silah saxlamaq ittihamı ilə 2 il müddətinə azadlıqdan məhrumetmə cəzasına məhkum edilib.
Alyans hesab edir ki, hər iki fəal siyasi motivlərlə həbs olunub və hakimiyyət bu addımlarla onların fəaliyyətini məhdudlaşdırmaq istəyir.
Alyans Azərbaycan hakimiyyətini insan hüquqları sahəsində beynəlxalq öhdəliklərinə riayət etməyə və siyasi rəqiblərinə və vətəndaş fəallarına təzyiq göstərmək təcrübəsindən əl çəkməyə çağırır.
Alyans həmçinin hakimiyyətin istintaqın və məhkəmənin Yaqublu və Əmiraslanov barəsində qəbul etdiyi ədalətsiz qərarları aradan qaldıracağına ümid edir.
SAMA xatırladır ki, Əmiraslanov fəal şəkildə 2010-cu ildə Kür daşqınından ziyan çəkmiş vətəndaşların hüquqlarının müdafiəsi ilə məşğul olurdu və məmurların dövlət büdcəsindən kompensasiya ödənilməsi üçün ayrılmış vəsaiti mənimsəməsinə qarşı mübarizə aparırdı.
Nigar Yaqublu Müsavat Partiyasının sədr müavini Tofiq Yaqublunun qızıdır. O, müxalifətin “Eurovision-2012” beynəlxalq mahnı müsabiqəsi ərəfəsində keçirilən etiraz aksiyalarının fəal iştirakçılarından olub. -16D06-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz