Müsavat Partiyasının fəalları bazar günü saat 18:00-da Atatürk prospektində siyasi məhbusların azad edilməsi tələbilə flash-mob formasında etiraz aksiyası keçiriblər.
50-yə yaxın adam İsmayıllı iğtişaşları ilə əlaqədar həbs olunmuş Müsavat Partiyasının sədr müavini Tofiq Yaqublunun, “Respublika alternativi” (REAL) vətəndaş hərəkatının rəhbəri İlqar Məmmədovun, NİDA hərəkatının üzvlərinin və digər siyasi, vətəndaş fəalları və jurnalistlərin azadlığa buraxılması tələbilə plakatlar qaldırıblar.
Polis gələnə yaxın aksiya başa çatıb və iştirakçılar dağılışıblar.
Xatırladaq ki, martın 17-də Azərbaycan demokratik ictimaiyyətinin böyük bir qrupu AŞPA-ya müraciət edərək ölkədə 60-dan çox siyasi məhbusun olması nəzərə alınmaqla siyasi məhbuslar üzrə məruzəçinin mandatının uzadılmasına çağırıblar.—06D--
Siyasət
-
Hazırda 1 saylı Bakı İstintaq Təcridxanasında saxlanılan “III Respublika Platforması”nın (ResPlatforma) spikeri Akif Qurbanov ailəsinə məxsus əmlaka həbs qoyulması ilə bağlı açıqlama yayıb. Açıqlama Qurbanova məxsus olduğu bildirilən facebook səhifəsində dərc edilib.
-
Türkiyə və bir sıra Avropa ölkələri yenidən Şahdəniz Alfa platformasından qaz almağa başlayıb. Xəzər dənizində yerləşən Şahdəniz yatağının operatoru 6-18 yanvar tarixlərindəki fors-major vəziyyətinə səbəb olan problemləri həll etdikdən sonra bu hasilat platformasında işləri bərpa edib.
-
Azərbaycan Xalq Cəbhəsi Partiyasının fəalı Niyaməddin Əhmədov həbs cəzası çəkdiyi 7 saylı penitensiar müəssisədə aclıq elan edib. Bu barədə Azərbaycan Xalq Cəbhəsi Partiyasının məlumatında deyilir. Aclığa səbəb Əhmədovun karserə salınmasıdır.
-
Yanvarın 19-da Avropa İttifaqının Azərbaycandakı nümayəndə heyətinin rəhbəri Peter Mixalko və Avropa İttifaqı ölkələrinin səfirləri faciəvi hadisələrin 35-ci ildönümündə "Qara yanvar" qurbanlarının xatirəsini yad etmək üçün Şəhidlər Xiyabanını ziyarət ediblər.
Rəy yaz