ABŞ-ın Helsinki komissiyasının sədri, Konqresmen Chris Smith mayın 3-də Ümumdünya Mətbuat Azadlığı Günündə bəyanat açıqlayıb. Konqresmen Rusiyada qətlə yetirilmiş jurnalist Anna Politkovskayanı yada salır, bu ölkədə öldürülmüş digər jurnalistlərin də qatillərinin hələ də tapılmadığını vurğulayır.
“Ancaq bu gün hamıdan çox Azərbaycan hökuməti tərəfindən təqib olunub həbsə atılmış qorxmaz araşdırıcı jurnalist Xədicə İsmayılovanı yad edirik”, deyən konqresmen jurnalistin hökumətin yüksək eşelonlarında korrupsiyanı üzə çıxardığına görə təhlükəsizlik orqanları tərəfindən qorxudulduğunu, daha sonra saxta ittihamlarla həbs olunduğunu vurğulayır.
“Azərbaycan hökuməti Xədicəni həbsə atmaqla, yol verdiyi pozuntulardan diqqəti yayındıra biləcəyini düşündüsə, yanıldı. Faktiki olaraq, Xədicənin həbsdə qalması onun aşkarlamağa çalışdığı korrupsiyanı daim yada salır. Onun həbsi yanlış addımdır və dərhal azadlığa buraxılmalıdır”.
Chris Smith ötən ilin dekabrında “Azərbaycan Demokratiya Aktı”nı hazırlayıb. Məqsədin Azərbaycan hökumətinin müstəqil jurnalistləri, müxalifəti və vətəndaş qruplarını susdurmağa yönəlik sistematik cəhdlərinə diqqət çəkmək olduğu bildirilir. Rəsmilərə sanksiya qoyulması təklif olunur.
Konqresmenin bu layihəsindən sonra Azərbaycan parlamentində də ABŞ-la bağlı oxşar layihə hazırlandı.
Hakimiyyət təmsilçiləri ölkədə hüquq və azadlıqların pozulmasına dair tənqidləri qəbul etmir. -16D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz