Bakı/16.05.18/Turan: Azərbaycanın Avropa Şurası Parlament Assambleyasındakı (AŞPA) nümayəndə heyətinin rəhbəri Səməd Seyidov AŞPA Komitəsi tərəfindən ona qarşı qəbul edilmiş sanksiyaların heç bir əhəmiyyəti olmadığını iddia edir. Eyni zamanda, o, sanksiyaları Azərbaycana qarşı "ikili standartların" təzahürü adlandırıb. Bu barədə o, çərşənbə günü nədənsə Xarici Dillər Universitetində keçirdiyi mətbuat konfransında bildirib.
Xatırladaq ki, AŞPA Komitəsi Seyidova və assambleyanın digər üç deputatına qarşı Assambleya Bürosunun yaratdığı Müstəqil İstintaq Qrupunun məruzəsində yer alan korrupsiya ittihamları ilə bağlı sanksiyalar tətbiq edib.
Seyidov iki il ərzində AŞPA-da məruzəçi ola, seçkilərin monitorinqlərində iştirak edə, komitə və alt komitələrin sədri seçilə, üçüncü tərəflərin tədbirlərində assambleyanı təmsil edə, AŞ Nazirlər Komitəsinə sorğular göndərə bilməz. O, yalnız assambleyanın işində iştirak edə bilər.
"Elan olunan qərar ikili standartların tərkib hissəsidir. Bunun heç əsası yoxdur, bu, Azərbaycanı istəməyən qüvvələrin dəyirmanına su tökməkdir", deyə Seyidov bildirib.
Onun iddiasına görə, AŞPA-da sanksiya tətbiq olunan insanlar Dağlıq Qarabağ məsələsini qaldıran şəxslərdir.
Seyidov həmçinin iddia edib ki,AŞPA Komitəsinin qərarı Azərbaycan nümayəndə heyətinin işinə təsir edə bilməyəcək. Güclü fantaziyasını daha da inkişaf etdirən Seyidov sanksiyaları AŞPA-da "böhranın" dəlili adlandırıb.
Seyidov iddia edib ki, Azərbaycanın nümayəndə heyəti Ermənistana layiqli cavab verir və Azərbaycan tərəfə qarşı bu sanksiya Dağlıq Qarabağa görədir.
Bütün bunlara baxmayaraq, S.Seyidov Azərbaycanın Avropa Şurasında təmsil olunacağını və mübarizə aparacağını bildirib.
Qeyd edək ki, indiyədək rəsmi Bakı Avropa Şurasının Qarabağ məsələsi ilə bağlı mövqeyini alqışlayırdı. Belə ki, dövlət başçısı İlham Əliyev müntəzəm olaraq beynəlxalq təşkilatlar arasında Avropa Şurasının Azərbaycanın ədalətli mövqeyini etiraf edən qətnamələrini yada salır. Amma, göründüyü kimi, dövlət başçısının və Səməd Seyidovun qiymətləndirmələri heç də bir-birinə uyğun deyil. -05B-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz