Ştefan Fule: Azərbaycandakı durumdan çox narahatıq
Avropa İttifaqının genişlənmə üzrə komissarı Ştefan Fule bazar ertəsi axşam Azərbaycan vətəndaş cəmiyyətinin bir qrup əməkdaşı ilə görüşüb.
Komissar ölkədə insan haqlarının məhdudlaşdırılması faktları ilə bağlı ciddi narahatlığını ifadə edib.
“Avropa İttifaqı hazıdki vəziyyətdə vətəndaş cəmiyyəti fəallarının əzmkarlığını çox yüksək qiymətləndirir. Biz insan haqları, demokratiya və əsas azadlıqlar ilə bağlı problemləri diqqətlə izləyirik. Avropa İttifaqı dəfələrlə vətəndaş cəmiyyəti ilə bağlı qanunvericiliyə edilmiş məhdudlaşdırıcı dəyişikliklər, bir sıra tanınmış vətəndaş cəmiyyəti liderlərinin həbsi ilə bağlı öz narahatlığını ifadə edib”, Fule deyib.
Avropa komissarı stabil demokratik dövlətdə ictimai debatların çox vacib olduğunu xatırladıb.
“Məhz buna görə də biz Azərbaycanın vətəndaş cəmiyyətini dəstəkləmişik və dəstəkləyəcəyik. Bu məqsədlə Avropa İttifaqı Azərbaycan vətəndaş cəmiyyətinə, demokratiya və insan haqları sahəsində fəaliyyət göstərən QHT-lərə 3 milyon avro ayırıb”.
Qapalı keçirilən görüşdə Fule və vətəndaş cəmiyyəti nümayəndələri mövcud durumu müzakirə edib. -02B-
Siyasət
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
-
Bakı Apellyasiya Məhkəməsi Azərbaycan Xalq Cəbhəsi Partiyasının fəalı Tehran Abdullayevin narkotik maddə istifadəsi ilə bağlı inzibati həbsini qüvvədə saxlayıb.
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
Rəy yaz