Vətəndaş cəmiyyəti Şərq Tərəfdaşlığının tam qəlbindədir, bu barədə Genişlənmə və Qonşuluq Siyasəti məsələləri üzrə Avropa Komissarı Ştefan Füle bu gün Moldovada Vətəndaş Cəmiyyəti nümayəndələrinin Forumunda çıxış edərkən bildirib.
O, ümumi dəyərlərin irəli çəkilməsində vətəndaş cəmiyyətinin fəaliyyətinə dəstək ifadə edərək, milli islahatlarıın həyata keçirilməsi və demokratik inkişaf səylərini dəstəkləmək üçün maliyyə dəstəyini artırmağı vəd edib.
Şərq Tərəfdaşlığı ölkələrinin Vilnyusda keçiriləcək sammitinə toxunan Füle deyib: “Vilnyus tərəfdaşlıq tarixində bir mərhələ olmalıdır”. O, Vilnyusda əldə olunması zəruri olan şeyləri sadalayıb: Ukrayna ilə Assosiasiya və Hərtərəfli Azad Ticarət haqqında saziş imzalamaq; Moldova və Gürcüstanla həmin sazişləri paraflamaq; Ermənistan və Azərbaycanla viza rejiminin sadələşdirilməsi və readmissiya haqqında saziş bağlamaq, habelə nəqliyyat və təhsil sahələrində əməkdaşlıq məsələləri üzrə irəliləyiş əldə etmək.
Komissarın sözlərinə görə, siyasi islahatların real demokratiyaya keçid üçün mühüm əhəmiyyəti var. “Hökumətlər və vətəndaş cəmiyyəti arasında əməkdaşlıq müstəqil məhkəmə sistemi yaratmaq və ya korrupsiya əleyhinə tədbirlər həyata keçirmək üçün zəruridir ki, bu da uzunmüddətli iyasi inkişafın və sabit iqtisadi inkişafın zəruri elementləridir”, deyə Füle bildirib.
Heç bir hökumət xalqın geniş dəstəyi olmadan bu səylərində uğur əldə edə bilməz.
Aİ vətəndaş cəmiyyətinə dəstək üçün əlindən gələn köməyi və maliyyə dəstəyini göstərəcək.
Belə ki, Avropa Komissiyası 2013-cü ilin sonuna qədər və ya 2014-cü ilin başlanğıcında Şərq Tərəfdaşlığı ölkələrinin vətəndaş cəmiyyəti təşkilatlarının potensialını möhkəmləndirmək məqsədilə 3.85 mln. avro həcmində regional qrant layihələri müsabiqəsi başlatmağı planlaşdırır.
“Təəssüf ki, ötən il biz bir daha vətəndaş cəmiyyəti fəallarına hücumların, bəzi hallarda isə onların qanunsuz saxlanılmasının və həbsinin şahidi olduq. Avropa İttifaqı dinc yolla fikrini bildirənlərə qarşı zorakılığa və qorxutmalara göz yummayacaq”, deyə Avropa Komisarı bildirib. -02D-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz