![Hərəkat üzvləri təqiblərə məruz qoyulur](https://turan.az/resized/./turan-750-500-resize.webp)
Hərəkat üzvləri təqiblərə məruz qoyulur
Milli Şuranın (MŞ) 28 sentyabr aksiyasından sonra Azad Vətəndaş Hərəkatı (AVH) üzvlərinin təqibləri başlanıb. Bu haqda Turan-a Hərəkatın qurucusu Cəmil Hacıyev bildirib.
Adı çəkilən aksiyadan sonra mülki geyimlilər Yasamal rayonunda yaşayan hərəkatın üzvü İslam Həsənovun kirayədə yaşadığı mənzilə gəliblər. Bu şəxslər İ.Həsənovu polis bölməsinə aparmaq istəyiblər. İ.Həsənov qanunsuz hərəkətə yol vermədiyi, rəsmi çağırış vərəqəsi olmadığı üçün polisə getməyib. Daha sonra bu naməlum şəxslər ev sahibinə təsir edərək, ailəni mənzildən çıxarmasını tələb ediblər. Ev sahibi də öhdəsində iki azyaşlı körpə olan Həsənovlar ailəsindən iki gün ərzində mənzili boşaltmağı tələb edib. İcarə haqqını vaxtlı-vaxtında verməsinə baxmayaraq, ev sahibi ailəni evdən çıxarıb. Həm də bu işə vadar edildiyini deyib.
Təzyiqlər bununla bitmir, Binə ticarət mərkəzində çalışan hərəkat üzvləri sentyabrın 28-də mitinqə gəlmək istədikdə mülki geyimli şəxslər Lökbatan dairəsi ətrafında Cəmil Hacıyevin etibarnamə ilə idarə etdiyi maşını əlindən almağa cəhd ediblər. Mülki geyimlilər mitinqdə iştiraklarının qarşısını almaq üçün C.Hacıyevin yanında olan hərəkat üzvləri Ramal Babayev, Niyazi Qurbanov və Sakit Hüseynovu da saxlamaq, maşını cərimə meydançasına aparmaq istəyiblər. Lakin sonradan maşının açarların C.Hacıyevə qaytarıblar, amma sənədləri verməyiblər.
C.Hacıyev bu haqda “102”yə xəbər versə də, müsbət nəticə olmayıb. Sentyabrın 29-da isə C.Hacıyevə işin Qaradağ rayon prokrorluğuna göndərildiyi deyilib.
C.Hacıyevə gizli nömrədən zəng edən şəxs özünü təqdim etmədən sənədlərin A.Ağayev, 29-da yerləşən Bakı Şəhər Nəqliyyat Departamentində oldugunu söyləyib. Departamentdə C.Hacıyevə 101 manat cərimə olunması haqqında bildiriş verilib. Səbəb kimi isə qanunsuz taksi fəaliyyətilə məşğul olması göstərilir.
C.Hacıyev qərarın əsassız olduğunu deyərək, departamenti məhkəmyə verməyə hazırlaşdığını bildirib.
C.Hacıyev Milli Şuranın prezidentliyə namizədi Cəmil Həsənlinin vəkilidir. -05B-
Siyasət
-
Azərbaycan Xalq Cəbhəsi Partiyasının üzvü Elnur Həsənova 3 il həbs cəzası kəsilib. Avqustun 2-də Bakı Ağır Cinayətlər Məhkəməsində belə hökm verilib.
-
Tezliklə Rusiyada təkcə YouTube deyil, həm də Google, Android və İOS sistemləri bloklanacaq. Bunu bu gün Dövlət Dumasının deputatı Aleksey Didenko deyib.
-
Beynəlxalq Olimpiada Komitəsi (BOK) Parisdə keçirilən Yay Olimpiya Oyunlarının açılış mərasimində Fransanın aparıcı "France2" telekanalının müxbirinin ifadələrə görə Azərbaycandan üzr istəyib.
-
1 saylı Bakı İstintaq Təcridxanasının sanitar bölməsində saxlanılan I qrup əlil, ictimai fəal Famil Xəlilovun vəziyyəti son dərəcə ağırdır. Onun bədənində çoxsaylı yaralar var, özü də antisanitar vəziyyətdədir, - həyat yoldaşı Kiçikxanım Xəlilova bildirib.
Rəy yaz