Stoltenberq Yerevan və Bakını sülh bağlamağa çağırıb
Yerevanda səfərdə olan NATO-nun Baş Katibi Yens Stoltenberq martın 19-da Ermənistan baş naziri Nikol Paşinyanla görüşüb. Cənubi Qafqazda sabitliyə toxunan Stoltenberq Ermənistanı və Azərbaycanı münasibətlərin normallaşmasına və dayanıqlı sülhə yol açacaq razılaşma əldə etməyə çağırıb. "Bu, Avro-Atlantik təhlükəsizlik üçün çox vacibdir, çünki vəziyyət getdikcə daha da təhlükəli hal alır", deyən Baş Katib qeyd edib ki, "NATO Ermənistanın suverenliyini və ərazi bütövlüyünü, habelə onun sülh səylərini dəstəkləyir". Bu barədə NATO-nun görüşün məzmununa dair press-relizində deyilir.
Baş katib həmçinin xəbərdarlıq edib ki, "Putin Ukraynada uğur əldə etsə, onun təcavüzünün bununla bitməyəcəyi və digər avtoritar oyunçuların cəsarət qazanacağı riski var".
Stoltenberq NATO üzrə bütün tərəfdaşları "Putinin aqressiv müharibədə qalib gəlməməsinə zəmanət vermək üçün mümkün olan hər şeyi etməyə" çağırıb.
NATO-nun Baş Katibi həmçinin Ermənistanın öz silahlı qüvvələrinə demokratik nəzarəti təmin etməyə və korrupsiyaya qarşı mübarizəyə, demokratik institutların möhkəmləndirilməsinə və qanunun aliliyinə sadiqliyini vurğulayıb.
Siyasət
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
-
Azərbaycan prezidentinin xarici siyasət məsələləri üzrə müşaviri Hikmət Hacıyev X platformasındakı hesabında yerləşdirdiyi postda senator Ed Markın COP29-da və Bakıdan qayıtdıqdan sonrakı çıxışlarına cavab verib. Hacızadənin sözlərinə görə, senator öz səfərinin nəticələrini "erməni lobbisinin eşitmək istədiklərinə uyğun şəkildə" təqdim edib.
Rəy yaz