Maria Zakharova.
Sülh səyləri həm Ermənistanın, həm də Azərbaycanın maraqlarını nəzərə almalıdır - RF XİN
Bakı/30.08.23/Turan: Moskva Rusiyanın Ermənistan və Azərbaycan arasında münasibətlərin normallaşdırılması üzrə səyləri ilə ziddiyyət təşkil etməyən, onları təkrarlamayan və pozmayan istənilən təşəbbüsü alqışlayır. Bu barədə çərşənbə günü keçirilən brifinqdə RF XİN-in rəsmi nümayəndəsi Mariya Zaxarova Fransa prezidenti Makronun son bəyanatlarını şərh edərkən bildirib.
"Bu istiqamətdə Fransanın fəallığı yaxşı məlumdur. Bu vasitəçilik səyləri çərçivəsində hər iki münaqişə tərəfinin - həm Ermənistanın, həm də Azərbaycanın maraqları nəzərə alınmalıdır. Bunsuz artıq kifayət qədər gərgin olan vəziyyətdə hər hansı irəliləyişə ümid etməyə dəyməz", deyə Zaxarova bildirib.
Bir müddət əvvəl prezident Makron Qarabağ münaqişəsinin nizamlanması ilə bağlı yeni diplomatik təşəbbüs irəli sürəcəyini bəyan etmişdi. 02D
Siyasət
-
USAID-in ölkədə fəaliyyət göstərməsi üçün hüquqi əsas olmadığı və fəaliyyətini dayandırmalı olduğu barədə bildiriş ABŞ tərəfinə rəsmən göndərilib.
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
Rəy yaz