Şura sədrindən Birinci Vitse Prezidentə açıq məktub

Bakı/06.10.20/: Turan: Milli İstiqlal Partiyası Mərkəzi Şurasının sədri Rəşad Bayramov Azərbaycanın Birinci vitse prezidenti MehribanƏliyevaya açıq məktubla müraciət edib.

Azərbaycan Ordusnun uğurlu müharibə əməliyyatlarına imza atdığını deyən müəllif həm də vurğulayır ki, müasir dünyada qələbələr təkcə savaş meydanında deyil, eyni zamanda informasiya meydanında  da qazanılmalıdır.

Şura sədri vurğulayır ki, informasiya sahəsində aparılan mübarizədə

Milli İstiqlal Partiyasının lideri Etibar Məmmədov vitse-prezidenti olduğu,  Beynəlxalq Demokrat İttifaqına erməni təcavüzünü və Dağlıq Qarabağ həqiqətlərini dünyaya çatdırmaq üçün müraciət ünvanlayıb. (Beynəlxalq Demokrat İttifaqı tərkibində 80-dən artıq ölkənin 100-dən çox siyasi partiyasına birləşdirir-red)  

Məktubda deyilir ki, bundan əlavə bu ilin iyulunda Rusiyadan Ermənistana silah çatdırılmasında vasitəçilik etmiş Qazaxıstan, Türkmənistan, İran səfirliklərinə etiraz məktubları ünvanlanyıb.   

Müəllif vurğulayır ki, bu sadaladıqları AMİP olaraq görə biləcəkləri işin ancaq bir qismidir.

R.Bayarmov deyir ki müasir dünya sosial şəbəkələrin imkanlarından istifadəni ehtiva edir: “Azərbaycanda isə bütün sosial şəbəkələr hazırda məhdudlaşdırıldığı səbəbindən faktiki olaraq daha geniş təbliğat imkanlarımız da məhdudlaşdırılıb. Hətta Sizin sosial şəbəkə vasitəsilə ünvanladığınız müvafiq müraciətinizlə belə yalnız televiziya və elektron KİV vasitəsilə tanış ola bilmişik.”,

deyə Şura sədri bildirir. 

“Sizə müraciət edərək təklif edirəm ki, səlahiyyətlərinizdən istifadə edərək vətəndaşlarımızın sosial şəbəkələrə girişinin bərpa olunması üçün müvafiq göstərişlər verəsiniz”, deyə Şura sədri bildirir.

O, Qarabağ savaşı ilə bağlı məlumatların paylaşılmasının hüquqi məsuliyyət daşıması ilə bağlı təbliğat aparılması yolu ilə sosial şəbəkələrə qoyulan qadağaların və internetin verilməsindəki məhdudiyyətlərin aradan qaldırılmasını diqqətə çatdırır. -05D-