Bakı/11.06.18/Turan: İyunun 12-də Türkiyənin Eskişehir şəhərində Türkiyə prezidenti Rəcəb Tayyib Ərdoğanın iştirakı ilə Trans Anadolu Qaz Boru Kəmərinin (TANAP) aşılış mərasimi olacaq. Bu barədə Türkiyə prezidentinin rəsmi saytı məlumat yayıb.
Məlumata görə, TANAP-ın açılış mərasimində layihənin iştirakçı dövlətləri ilə yanaşı, Türkiyəyə dost ölkələrdən dövlət və hökumət başçıları, enerji nazirləri, enerji şirkətlərinin rəhbərləri qatılacaq.
"Son illər Türkiyə, Azərbaycan və Gürcüstanın birgə səyi nəticəsində Xəzər hövzəsindən dünya bazarlarına çıxışı təmin etmək məqsədi ilə irəliyə doğru addımlar atılmaqdadır. Bakı-Tbilisi-Ceyhan, Bakı-Tbilisi-Ərzurum nevt və qaz boru kəmərləri, Bakı-Tbilisi-Qars dəmir yolu, Cənub Qaz Dəhlizinin açılışını reallaşdıran TANAP birgə fəaliyyətimizin nəticələrinin göstəricisidir", deyə Türkiyə prezidentinin mətbuat üçün açıqlamasında deyilir.
Prezident hesab edir ki, Cənub Qaz dəhlizi Türkiyənin enerji təhlükəsizliyinin təmini və Avropanın enerji təhlükəsizliyi baxımından böyük önəm daşıyır.
"Xəzər enerji daşıyıcılarının təhlükəsiz və iqtisadi səmərəlilik baxımından dünya bazarlarına daşınması bölgədə əməkdaşlıq və qarşılıqlı inamın yaranmasına və genişlənməsinə təkan verəcək", deyə mətbuat xidmətinin açıqlamasında qeyd edilir.
Azərbaycan prezidenti İlham Əliyevin də açılış mərasiminə qatılacağı gözlənilir.
Ümumi dəyəri 40 mlrd. avro təşkil edən Cənub Qaz Dəhlizinin bir hissəsi olan TANAP layihəsi Azərbaycanda hasil olunan təbii qazın Gürcüstandan keçərək Türkiyə ərazisi ilə Avropaya nəql edilməsini nəzərdə tutur. TANAP layihəsi "Şahdəniz" yatağının işlənilməsinin 2-ci mərhələsinin əsas elementlərindən biridir. "Şahdəniz-2" layihəsi çərçivəsində ilkin olaraq Azərbaycandan ildə 16 mlrd. kubmetr qaz Türkiyəyə nəql olunacaq, bunun 6 mlrd. kubmetri bu ölkənin istifadəsinə veriləcək, 10 mlrd. kubmetrlik hissəsi isə Avropaya ixrac ediləcək.
TANAP layihəsinin Türkiyə-Yunanıstan sərhədində başa çatması və sonra təbii qazın Avropaya çatdırılması üçün TAP boru kəmərinə birləşməsi planlaşdırılır.
Bu layihə çərçivəsində hasil ediləcək təbii qaz boru vasitəsilə Azərbaycan, Gürcüstan, Türkiyə, Yunanıstan, Bolqarıstan, Albaniya ərazisindən və Adriatik dənizinin dibindən keçməklə İtaliyaya çatdırılacaq. Kəmərin uzunluğu 3500 kilometrdir.
Layihə 2020-ci ildə tam işə düşməlidir. -03B-
Siyasət
-
Azərbaycanda növbəti bələdiyyə seçkiləri 29 yanvar 2025-ci ildə keçiriləcək. Bu barədə Mərkəsi Seçki Komissiyasının bugünkü iclasında komissiyanın rəhbəri Məzahir Pənahov bildirib.
-
Azərbaycan prezidentinin sərəncamı ilə Siyavuş Kərimi Milli Konservatoriyanın rektoru vəzifəsindən azad edilib.
-
Noyabrın 26-da Moskvada MDB ölkələri təhlükəsizlik xidmətləri rəhbərlərinin iclasında "Qərbin MDB məkanında sabitliyi pozulmasına yönəlmiş çoxşaxəli səyləri" fonunda MDB ölkələrinin təhlükəsizliyini təmin etmək üçün xüsusi xidmət orqanlarının əməkdaşlığı məsələlərinə baxılıb.
-
Bu il Azərbaycan-NATO münasibətlərində mühüm bir mərhələni qeyd edir: "Sülh Naminə Tərəfdaşlıq" (PfP) proqramına qoşulmasının 30-cu ildönümü. Noyabrın 26-da Bakıda keçirilən yubiley konfransı əməkdaşlıq yolunu nəzərdən keçirmək, nailiyyətləri və problemləri vurğulamaq və gələcək istiqamətləri müəyyənləşdirmək üçün görkəmli şəxsləri bir araya gətirdi.
Rəy yaz