![Tbilisidə həbs olunan jurnalistin ailəsi səfirliklərdən sığınacaq istəyir](https://turan.az/resized/news/2024/hV7npj6KHsdHENoP8TZpPMFLdtNqO2RUZR5UvqHp-750-500-resize.webp)
Tbilisidə həbs olunan jurnalistin ailəsi səfirliklərdən sığınacaq istəyir
Tbilisidə həbs olunan jurnalistin ailəsi səfirliklərdən sığınacaq istəyir
Gürcüstanda həbs edilən Azel.TV saytınının rəhbəri Əfqan Sadıqovun ailə üzvləri üçüncü ölkədən sığınacaq almaq üçün bu gün BMT-nin Gürcüstandakı ofisinə və Fransanın Gürcüstandakı səfirliyinə müraciət edib.
Jurnalistin həyat yoldaşı Sevinc Sadıqova bu məsələdə Gürcüstan Ombudsmanından kömək istəyib. Bu barədə Turan-a Sadıqovanın özü məlumat verib.
Bundan əvvəl ailə Norveç və Böyük Britaniyanın Gürcüstandakı səfirliklərindən müdafiə istəyib.
“Mən və iki uşağm Tbilsiidə təhlükə altında yaşayırıq. Kirayədə yaşadığımız evin ətrafında çoxsaylı şübhəli şəxlər dolaşdığından yaşadığımız evin yiyəsi evindən çıxmağımızı istəyir”, Sadıqova qeyd edib.
Xatırladaq ki, Əfqan Sadıqov avqustun 3-də Azərbaycan prokurorluğunun müraciəti əsasında Tbilisidə saxlanılıb.
Avqustun 4-də Əfqan Sadıqov barəsində ekstradisiya məqsədi ilə 3 ay müddətinə həbs qətimkan tədbiri seçib, ona qarşı hədə-qorxu ilə tələb etmə ittihamı ilə cinayət işi açılıb.
Sadıqov ittihamı rədd edir və hakimiyyəti tənqid etdiyinə görə cəzalandırılması üçün ona qarşı cinayət işi açıldığını düşünür.
Sadıqov bundan əvvəl iki dəfə Azərbaycanda cinayət məsuliyətinə cəlb edilib və həbs cəzasına məhkum edilib. Hər iki dəfə hüquq müdafiəçiləri onu siyasi məhbus kimi tanıyıblar.
Siyasət
-
Ədliyyə Nazirliyi Azərbaycan parlamentinin keçmiş deputatı, iş adamı Hüseyn Abdullayevin istintaq təcridxanasında vəziyyətin pisləşməsilə bağlı sosial şəbəkələrdə yayılan xəbərlərə aydınlıq gətirib.
-
Avqustun 8-də Bakı Apellyasiya Məhkəməsində Turan agentliyinin iqtisadi xəbərlər şöbəsinin redaktoru Hafiz Babalının ATV telekanalına qarşı şikayətinə baxılıb.
-
Mərkəzi Asiya dövlət başçılarının VI Məsləhətçi Görüşü 9 avqust 2024-cü ildə Qazaxıstan Prezidenti Kasım-Jomart Tokayevin rəhbərliyi altında baş tutdu. Bölgə əməkdaşlığında mühüm mərhələ hesab edilən görüş qarşılıqlı inam və hərtərəfli qarşılıqlı əlaqə ilə xarakterizə olunan əməkdaşlıqda yeni bir dövrü vurğuladı.
-
Hindistanın ilk Akash-1S zenit-raket kompleksləri bu ilin sonuna qədər Ermənistana göndəriləcək, Indian Defence Research Wing nəşri yazır.
Zəngəzur dəhlizi sülh müqaviləsindən çıxarıldı. Bəs kimin nəzarətinə verilir? – Oktay Qasımov Çətin sualda
Xəbər lenti
-
- Maliyyə,
- 10:44
- 218
Rəy yaz