Bakı/18.11.22/Turan: Ötən gecə etirazçılar İran İslam inqilabının banisi İmam Xomeyninin Tehran yaxınlığındakı ev-muzeyini yandırıblar. Binaya nə qədər ziyan dəydiyi məlum deyil.
İranda artıq üçüncü aydır ki, hökumət əleyhinə nümayişlər dayanmır. Etirazçılarla polis arasında toqquşmalar zamanı yüzlərlə insan həlak olub. Son günlər öldürülənlər arasında doqquz yaşlı uşaq da var. İranda hicab taxma qaydalarını pozduğu iddiası ilə polis tərəfindən saxlanılan qadının ölümündən sonra qəzəb dalğası səngimir.
Kütləvi nümayişlərə son qoymaq üçün hakimiyyət artıq bir neçə nümayişçini ölüm cəzasına məhkum edib. Hakimiyyət orqanlarının 1500 etirazçını həbs etdiyi bildirilir. -0-
Siyasət
-
Fevralın 6-da Vaşinqtonda Ermənistanın baş naziri Nikol Paşinyan ABŞ-ın vitse-prezidenti Ceyms Vensla görüşüb.
-
Dövlət başçısının 7 fevral tarixli sərəncamı ilə Anar Əliyev əmək və əhalinin sosial müdafiəsi naziri təyin edilib. Bundan əvvəl nazir müavini olub.
-
Azərbaycanın “Azel” TV saytının rəhbəri, Bakının sorğusu əsasında Gürcüstanda həbs edilmiş Əfqan Sadıqov fevralın 2-də başladığı quru alcığı fevralın 6-da dayandırıb. Lakin əvvəlkitək yeməkdən imtina edir və ancaq su içir. Onun aclığı 142 gündür ki, davam edir, fevralın 7-də xanımı Sevinc Sadıqova Turan agentliyinə bildirib.
-
Rusiya prezidenti Vladimir Putin Azərbaycanın AZAL aviaşirkətinə məxsus təyyarənin qəzaya uğramasına dair bəyanatla çıxış etməyi planlaşdırmır. Bu barədə cümə günü Rusiya prezidentinin mətbuat katibi Dmitri Peskov jurnalistlərə bildirib.
Rəy yaz