![Təşkilat rəhbəri təzyiqlər olduğunu deyir](https://turan.az/resized/750/500/resize/media/2016/main/081600165784.jpg)
Təşkilat rəhbəri təzyiqlər olduğunu deyir
“Müsavat partiyası olaraq bizə “Respublika” Təşviqat qrupunun qeydiyyata alınması üçün imza toplağa imkan vermirlər”. Bunu Turan-a Müsavat partyiası Qazax rayon təşkilatının sədri İlqar Mustafayev bildirib.
Onun sözlərinə görə, imza toplanışına başladıqları bir həftə ərzində təqiblərə məruz qalırlar, evinin ətrafında naməlum mülki geyimlilər dolaşırlar, topladıqları imzaları əllərindən almaq istəyilrər.
İ.Mustafayev bütün baş verən neqativlərə görə rayon rəhbərliyini təqsirli bilir. “İmza verən şəxslərə təzyiq göstərirlər, təşviqat qrupunun qeydə alınması ilə bağlı imzaları insanlara prezidentin əleyhinə verilən imzalar kimi anladırlar”, - deyə İ.Mustafayev bildirir.
O deyir ki, hətta imza vermək istəyən şəxslərin əllərindən tutaraq imza toplamağa imkan vermirlər. Onun dediyinə görə, imza toplayan şəxslərin biri neçə gündür ki, itib və harada olduğu məlum deyil: “Belə üsullarla bizım təşviqat qrupunun qeydə alınması üçün imza toplanışının qarşısını alırlar”.
Xatırladaq ki, bu il sentyabrın 26-da ölkədə Konstitusiyaya dəyişikliklərlə bağlı referendum keçiriləcək. Referendumda dəyişkliklər nəzərdə tutan müddəların lehinə və ya əleyhinə təşviqat üçün Təvşqiat qrupları yaradılması nəzərdə tutulur. Qrupun qeydə alınması üçün 40 min imza toplanmalıdır. İndiyə kimi yalnız YAP həmin imzaları toplayıb.
Bundan əlavə, Həmkarlar İttifaqları Konfederasiyası, bələdiyyələr belə təşviqat qrupları yaradacaqlarını elan ediblər.
ReAl Hərəkatı və Müsavat partiyası da alternativ təşviqat qrupları yaradcaqlarını
bildirmişdilər. -05B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz