Tofiq Yaqublu həbsinin sifarişçilərini ifşa etmək üçün məhkəməni gözləyir - qızı
Müxalif siyasətçi Tofiq Yaqublu İstintaq Təcridxanasında ruh yüksəkliyini qoruyub saxlayır və həbsinin sifarişçilərini ifşa etmək üçün səbrsizliklə məhkəmə prosesini gözləyir. Bu barədə onun qızı Nigar Həzi yanvarın 14-də 1 saylı Bakı İstintaq Təcridxanasında atası ilə görüşdükdən sonra bildirib.
O, atası ilə şüşə arakəsmə arxasından görüşüb. "Ümumilikdə atamın saxlanma şəraiti ilə bağlı şikayəti yoxdur. O, ruh yüksəkliyini qoruyub saxlayır. Mübarizə aparmaq əzmindədir", deyə Nigar bildirib.
Yaqublu siyasi həbsinin sifarişçilərini və icraçılarını ifşa etmək üçün səbrsizliklə məhkəməni gözləyir, deyə o qeyd edib.
Yaxın günlərdə Yaqublunun ev dustaqlığına köçürülməsindən imtina qərarından apellyasiya şikayətinə baxılacaq.
* Yaqublu dekabrın 14-də fırıldaqçılıq və saxta sənəd hazırlama ittihamı ilə həbs edilib. O, ittihamları təkzib edib və onların saxta olduğunu bildirib.
Siyasətçi daha əvvəl dəfələrlə cinayət təqibinə və inzibati təqibə məruz qalıb. Beynəlxalq təşkilatlar onu vicdan məhbusu kimi tanıyıblar.
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz