![Tofiq Yaqublu məhkəmə zalında aksiya keçirib](https://turan.az/resized/news/2024/upQIb5yML71817HhZPubLCMWXyq5rTm0WesOchjH-750-500-resize.webp)
Tofiq Yaqublu məhkəmə zalında aksiya keçirib
Tofiq Yaqublu məhkəmə zalında aksiya keçirib
İyunun 21-də Demokratik Qüvvələrin Milli Şurasının Koordinasiya Mərkəzinin və Müsavat Partiyasının üzvü Tofiq Yaqublunun işi üzrə məhkəmə iclası təxirə salınıb.
İclasda hakimlərdən birinin - Azər Tağıyevin xəstəliyi səbəbindən məhkəmənin baş tutmayacağı və prosesin iyulun 28-də davam etdiriləcəyi elan edilib.
Xatırladaq ki, məhkəmənin bundan əvvəlki iclasında Yaqublu siyasi məhbuslara qarşı proseslərdə iştirak edən və adı ABŞ Konqresinin sanksiyalar siyahısında olan Azər Tağıyevə etiraz edib.
Bu gün Yaqublu ingilis dilində "Putin Navalnını öldürdüyü kimi, İlham Əliyev də həbsxanada məni öldürmək istəyir" yazısı olan plakat qaldırıb.
Yaqublunu dəstəkləmək üçün gələn 100-ə yaxın müxalifətçi məhkəmə binasının qarşısında toplaşıb. Polis onları sıxışdıraraq, yolun digər tərəfindəki bağa tərəf uzaqlaşdırıb. Bu zaman fəal Cəmil Hacıyev saxlanılıb.
Xatırladaq ki, Tofiq Yaqublu 2023-cü il dekabrın 14-də dələduzluq, saxtakarlıq, qanunsuz olaraq rəsmi sənədlərin hazırlanması və saxta sənədlərdən istifadə ittihamı ilə həbs olunub.
Yaqublu ittihamları uydurma adlandırıb. Siyasətçi əvvəllər də dəfələrlə cinayət təqibinə və inzibati təqibə məruz qalıb. Beynəlxalq təşkilatlar onu vicdan məhbusu kimi tanıyıblar.
-
- Siyasət
- 21 İyun 2024 17:12
Siyasət
-
İyunun 27-də Rusiya Federasiyası Hərbi Dəniz Donanmasının Xəzər flotiliyasının "Volqodonsk" kiçik artilleriya və "Anatoli Qujvin" hidroqrafiya hərbi gəmiləri qeyri-rəsmi dostluq səfəri ilə Bakıya gəliblər. Bu barədə Azərbaycan Müdafiə Nazirliyinin mətbuat xidməti məlumat yayıb.
-
İyunun 27-cə Azərbaycan prezidenti İlham Əliyev Asiya İnkişaf Bankının (AİB) rəhbəri Masatsuqu Asakavanı qəbul edib.
-
İyunun 26-da Birləşmiş Millətlərin Cenevrədəki ofisində BMT-nin İnsan Hüquqları Şurasının 56-cı sessiyası çərçivəsində COP29 ərəfəsində Azərbaycanda ifadə azadlığının məhdudlaşdırılması və jurnalistlərin təqibləri müzakirə olunub.
-
Azərbaycanla sülh müqaviləsi layihəsinin mətni, demək olar ki, yekunlaşıb, bu barədə Ermənistanın xarici işlər naziri Ararat Mirzoyan bildirib.
Rəy yaz