Amerika dövlət katibinin demokratiya, insan hüquqları və əmək məsələləri üzrə müavini Tomas Melia sentyabrın əvvəlində Bakıya nəzərdə tutulan səfəri zamanı REAL Hərəkatının lideri İlqar Məmmədovla istintaq təcridxanasında görüşmək üçün icazə verilməsi xahişi ilə Azərbaycan hökumətinə müraciət edib. Bu barədə Turan-a məlumatlı mənbələrdən bəlli olub.
Mənbə hökumətin Meliaya hansı cavabı verdiyi barədə məlumatlı deyil.
Xatırladaq ki, T.Melia bu ilin aprelində Azərbaycana səfəri zamanı da Bakı İstintaq Təcridxanasında İlqar Məmmədovla görüşmək üçün hökumətə müraciət edib. Amma, hökumət müraciətin hökumətə gec çatdığını əsas gətirərək, görüşə icazə verməyib.
Tomas Melia aprelin 18-də REAL hərəkatının ofisinə baş çəkib, İlqar Məmmədovun ailə üzvləri və REAL-ın icraçı katibi Natiq Cəfərli ilə görüşüb.
İlqar Məmmədov fevralın 4-dən həbsdədir. O, İsmayıllı hadisələri ilə bağlı ictimai qaydanın pozulmasına səbəb olan hərəkətlərdə fəal iştirak etmə və iğtişaşda ittiham olunur. -03B-
Siyasət
-
Bu gün Bakı Ağır Cinayətlər Məhkəməsində I qrup əlil, iflicli fəal Famil Xəlilovun cinayət işi üzrə hazırlıq iclası başa çatıb.
-
Sentyabrın 11-də Bakı Apellyasiya Məhkəməsində Turan agentliyinin iqtisadiyyat şöbəsinin redaktoru Hafiz Babalının "İki sahil"qəzetinə qarşı şikayətinə baxılıb.
-
Sentyabrın 12-də Mərkəzi Seçki Komissiyasının iclasında 1 sentyabr parlament seçkiləri zamanı 33 saylı Xətai Birinci Seçki Dairəsinin yeddi seçki məntəqəsində pozuntu aşkar edilməyib.
-
Fransa bu ölkə vətəndaşı Teo Klerkin Azərbaycanda məruz qaldığı “açıq-aşkar ayrı-seçkilik xarakterli özbaşına rəftarı” pisləyib. “Teo Klerk metroda qraffiti çəkdiyinə görə üç il həbs cəzasına məhkum edilib. Eyni əməllərə görə onunla birgə təqsirləndirilən iki nəfər isə cərimə cəzasına məhkum ediliblər”. Bu barədə Fransa Xarici İşlər Nazirliyinin şərhində deyilir.
Rəy yaz