Regionun münaqişə zonalarının gəncləri Batumidə görüşəcəklər
Azərbaycan Avropa hərəkatı “İnam toxumları” adlı yeni layihənin icrasına start verib. Layihənin məqsədi Azərbaycan, Ermənistan, Gürcüstan və Türkiyənin münaqişə zonalarının gəncləri arasında əlaqələr qurulmasına yardım etməkdir.
Layihə ABŞ-ın German Marşall Fondunun maliyyə dəstəyi ilə həyata keçirilir.
Layihə çərçivəsində sentyabrın ortalarında Batumidə hər bir ölkədən 4 nəfər olmaqla, 16 gənc üçün “İnam yaratmaq nədir” və “İnam yaratmağın fərqli aspektləri və yenidən paylaşmanın öyrənilməsi mövzularında treninqlər keçiriləcək. Treninqlər Avropadan dəvət edilmiş peşəkar ekspertlər tərəfindən keçiriləcək və 2 gün davam edəcək. Bu barədə Turan-a Azərbaycan Avropa Hərəkatının mətbuat xidmətindən bildiriblər.
Sonradan Batumidə treninq keçmiş şəxslər ölkələrinin münaqişə zonalarında müxtəlif seminarlar keçirəcək və biliklərini paylaşacaq, habelə qısametrajlı videoçarxlar hazırlayacaqlar.
Daha sonra layihə çərçivəsində 5 dildə yaradılacaq “Sülh qurucuları şəbəkəsi” saytının təqdimatı keçiriləcək. Təqdimatlar eyni gündə və eyni saatda Azərbaycanda Xəzər dənizində, Gürcüstanda Qara dənizdə, İstanbulda Bosfor Boğazında və Ermənistanda Sevan (Göyçə) gölündə keçiriləcək. Yaradılacaq saytda sülhlə bağlı videolar yerləşdiriləcək
Azərbaycan Avropa Hərəkatının tərəfdaşları Ermənistan və Türkiyənin analoji hərəkatları, habelə Gürcüstanın “Yeni Avropa Məktəbi” QHT-si olacaq. -06D-
Siyasət
-
Bu gün Bakı Ağır Cinayətlər Məhkəməsində I qrup əlil, iflicli fəal Famil Xəlilovun cinayət işi üzrə hazırlıq iclası başa çatıb.
-
Sentyabrın 11-də Bakı Apellyasiya Məhkəməsində Turan agentliyinin iqtisadiyyat şöbəsinin redaktoru Hafiz Babalının "İki sahil"qəzetinə qarşı şikayətinə baxılıb.
-
Sentyabrın 12-də Mərkəzi Seçki Komissiyasının iclasında 1 sentyabr parlament seçkiləri zamanı 33 saylı Xətai Birinci Seçki Dairəsinin yeddi seçki məntəqəsində pozuntu aşkar edilməyib.
-
Fransa bu ölkə vətəndaşı Teo Klerkin Azərbaycanda məruz qaldığı “açıq-aşkar ayrı-seçkilik xarakterli özbaşına rəftarı” pisləyib. “Teo Klerk metroda qraffiti çəkdiyinə görə üç il həbs cəzasına məhkum edilib. Eyni əməllərə görə onunla birgə təqsirləndirilən iki nəfər isə cərimə cəzasına məhkum ediliblər”. Bu barədə Fransa Xarici İşlər Nazirliyinin şərhində deyilir.
Rəy yaz