“Toplum TV”-nin əməkdaşı 3 saatdan çox dindirilib

Aprelin 25-də “Toplum TV”-yə qarşı cinayət işi üzrə bu qurumun əməkdaşı Gülyetər Mahmudova Bakı şəhər Baş Polis İdarəsində üç saatdan çox dindirilib.

Vəkil Akif Əliyev bildirib ki, dindirilmə jurnalistin telefonundakı məlumatlar əsasında aparılıb.

“Üç saatdan artıq dindirilmə oldu. Heç bir təsir və təzyiq olmadı, Mahmudovanın telefonu götürülüb. Telefonundakılarla bağlı suallar verirdilər və cavab alırdılar. Telefon parolları onlarda var idi. Votsap yazışmalarına baxdılar. Telefonun alınması ilə bağlı protokol var”¸vəkil qeyd edib. 

Gülyetər Mahmudova isə bildirib ki, dindirmə saat10.45-də başlayıb və saat 15-də başa çatıb.

“Telefonumla bağlı çağırmışdılar. Ümumi suallar verdilər. İstintaq sirri olduğu üçün detalalrı demirəm. Suallar yarandığ üçün telefonumu özümə qaytarmadılar”, o qeyd edib.

Martın 9-da Bakı şəhəri Xətai Rayon Məhkəməsi Toplum TV-nin təsisçisi Ələsgər Məmmədli barəsində 4 aylıq həbs qətimkan tədbiri seçib. O, qaçaqmalçılıqda ittiham olunur. Bundan öncə, martın 6-da hüquq-mühafizə orqanları Toplum TV-nin, Demokratik Təşəbbüslər İnstitutunun, həmçinin III Respublika Platformasının ofislərində, əməkdaşlıarın evlərində axtarışlar aparıb. Axtarış zamanı ofisdə olan iyirmidən çox jurnalist və fəal polis tərəfindən saxlanılıb. Saxlanılanların bir hissəsi sərbəst buraxılsa da, Toplum TV-nin jurnalistləri Fərid İsmayılova (polisin nəzarətinə verilməklə ev dustaqlığı qətimkanim tədbiri seçilib), Müşfiq Cabbara, Elmir Abbasova (polisin nəzarətinə verilməklə ev dustaqlığı qətimkan tədbiri seçilib) və Demokratik Təşəbbüslər İnstitutunun rəhbəri, həmçinin III Respublika Platformasının spikeri Akif Qurbanova, eləcə də Əli Zeynala, Ramil Babayevə, İlkin Əmrahova qaçaqmalçılıq ittihamı ilə cinayət işi açılıb və barələrində 4 aylıq həbs qətimkan tədbiri seçilib.

Beynəlxalq media müdafiə təşkilatları Azərbaycan hakimiyyətini saxlanan jurnalistləri dərhal azad etməyə, müstəqil mediaya təzyiqləri dayandırmağa çağırıb.