Turan agentliyinin müxbiri Hafiz Babalı buraxılıb (yenilənib)
Turan-ın müxbiri Hafiz Babalı Abşeron Rayon Polis İdarəsindən buraxılıb.
O bildirib ki, rayon şöbəsində polis zabiti jurnalistin ora aparılmasının səbəbləri ilə maraqlanıb. Buna cavab olaraq polislər bildiriblər ki, o, çəkiliş aparırmış. Zabir söyləyib ki, çəkmək onun işidir, bəs insident iştirakçıları haradadır? Bunun cavabında polislər bildiriblər ki, jurnalist onların saxlanmasına “mane olub”.
Qısa söhbətdən sonra jurnalisti buraxıblar.
* * *
Turan agentliyinin müxbiri Hafiz Babalı İlham Əliyevin Sumqayıta getməsi ilə əlaqədar Masazır qəsəbəsində polisin avtomobil yolunu bağlamasına qarşı vətəndaşların spontan etirazının işıqlandırılması zamanı saxlanılıb.
Əsas trasın bağlanması ilə əlaqədar Sumqayıtdan avtomobillər dolayı yolla gedirlər. Masazır qəsəbəsində də polis yolu bağlayıb. Bu, iki saatdan artıq orada dayanan vətəndaşların qəzəbinə səbəb olub.
Onlar yolun açılmasını tələb ediblər, vətəndaşlarla polis arasında insident yaranıb.
Jurnalist peşə borcunu yerinə yetirərək baş verənləri çəkməyə başlayıb.
Lakin polislər onun kamerasını, vəsiqəsini və eynəyini (H.Babalının görmə qabiliyyəti zəifdir) əlindən alıblar. Onu post-patrul xidmətinin 10 EM 475 dövlət nömrəli avtomobilinə əyləşdirərək aparıblar. Bu barədə jurnalist özü məlumat verib.
Hazırda onu Abşeron Rayon Polis İdarəsinə aparırlar. Polislər jurnalisti raport yazacaqları ilə hədələyiblər.
Qeyd edək ki, jurnalistin peşə fəaliyyətinə mane olmağa görə Azərbaycan Cinayət Məcəlləsində məsuliyyət nəzərdə tutulur. –06d--
-
- Cəmiyyət
- 3 Oktyabr 2013 13:04
Siyasət
-
TURANın Vaşinqton müxbiri xəbər verir ki, ABŞ dövlət katibi Antoni Blniken BMT-nin mənzil-qərargahından bir neçə məhəllə aralıda yerləşən Lotte New York Palace otelində Azərbaycan və Ermənistan xarici işlər nazirlərini qəbul edir.
-
Sentyabrın 26-sı saat 16:10 radələrində Ermənistan silahlı qüvvələrinin bölmələri Gorus rayonunun Ərəvus yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonunun Ləkətağ yaşayış məntəqəsi
-
Bu gün Bakı Ağır Cinayətlər Məhkəməsində iflic fəal Famil Xəlilovun işi üzrə proses davam edib.
-
Azərbaycan Prezidenti İlham Əliyevin 27 yaşlı oğlu Heydər Əliyev, sentyabrın 26-da ilk dəfə yüksək səviyyəli iqtisadi məsələlər üzrə müşavirədə iştirak edərək, əhəmiyyətli bir ictimai görünüş nümayiş etdirdi. Anası, Birinci vitse-prezident Mehriban Əliyevanın yanında oturan Heydər Əliyevin müşavirəyə qatılması onun dövlət işlərində artan iştirakına dair suallar doğurdu.
Rəy yaz